05 Желтоқсан 2016
ӘН ҚАНАТЫНДА
- Article Details
Әнді көмейімен емес жүрегімен салған бозбаланың бозторғайдай әуезді үні құлақтан кіріп бойды баурайды. Мәнді мәтіні мен мұңды әуені сай жұптасқан құдіретті сарын. «Асыл ана жаулығы желбіреген...» баяулай қалқып, көкірегіңді сағынышты аңсауға ұштастырып барып-барып беймәлім бір күйге бөктірген әншінің сыршыл, сезімді дөп басатын тәңірдің өзі сыйға тартқан балаң табиғи дауысы.
ӘКІМШІЛІК ҚАМАҚҚА АЛУ ТҮРІНДЕГІ ЖАЗАНЫ ҚОЛДАНУ
- Article Details
Көкпекті ауданының № 2 аудандық сотында, жергілікті бұқаралық ақпарат құралы «Жұлдыз-Новая жизнь» газетінің тілшісінің қатысуымен әкімшілік қамаққа алу түріндегі жазаны қолдану туралы брифинг өткізілді.
Өз сөзінде судья Н.Нұралинов Қазақстан Республикасы Әкімшілік құқық бұзушылық туралы кодексінің 50-бабына сәйкес жүктi әйелдерге және он төрт жасқа дейiнгi балалары бар әйелдерге, он сегiз жасқа толмаған адамдарға, 1 және 2-топтардағы мүгедектерге, сондай-ақ елу сегiз жастан асқан әйелдер мен алпыс үш жастан асқан еркектерге әкiмшiлiк қамаққа алуды қолдануға болмайтыны атап өтті.
МЕМЛЕКЕТТІЛІКТІҢ ЕГЕМЕНДІГІ - ШЕКАРА
- Article Details
Жуырда Ж.Шайжүнісов атындағы орта мектеп ұжымының ұйымдастыруымен Тәуелсіздігіміздің 25 жылдығына арналған тамаша бір семинар болып өтті. Оған аудандық Қорғаныс бөлімінің өкілі сержант Д.Әбдікәрімов, білім беру бөлімінің әдіскерлері Н.Қапшықова, А.Нұрмұхамедов және аудан мектептерінің ұстаздары арнайы шақырылды.
«Мемлекеттіліктің егемендігі - шекара» тақырыбындағы бұл басқосудың шымылдығы осы мектептегі М.Қалматаев атындағы әскери-спорттық клубқа 9 сынып оқушыларын салтанатты ант қабылдау рәсімімен ашылды. Болашақ сарбаздардың әр іс-қимылдарынан олардың Отан қорғауға дайын екенін аңғардық. Клуб мүшелерінің әскери жаттығулары көрермен көзайымына айналды.
БІЗ САЛАУАТТЫ ӨМІР САЛТЫН ҚОЛДАЙМЫЗ
- Article Details
Самар ауылдық округі жастарының ұйымдастыруымен «Біз саламатты өмір салтын қолдаймыз» атты «дөңгелек үстел» өтті. Бұл Қазақстан Республикасы Тәуелсіздігінің 25 жылдық мерейтойына арналған шаралар аясында және 1 желтоқсан ЖИТС-пен күрес күні қарсаңында өткізілді. Жиынға Ауданарлық аурухананың ЗОЖ кабинеті, ӘБҮБ, мектептердің медицина қызметкерлері, орта мектептің, колледждің мұғалімдері және жастар қатысты. Модератор Ерназар Сауых жүргізген жиында ең алдымен ӘБҮБ дәрігері А.Стукачева сөз алып, ЖИТС (ВИЧ) – тің таралуы, одан сақтану туралы слайдты баяндама жасады. ЖИТС туралы СӨС дәрігері К.Көшербаева да бірқатар мәліметтер келтіріп, жастарға танымдық әңгіме айтты.
АУЫЛ ЕҢБЕККЕРЛЕРІ ҰЛЫҚТАЛҒАН КҮН
- Article Details
Жыл сайынғы дәстүр жалғасын тауып, биыл да ауылшаруашылық қызметкерлері күні қарсаңында ауданның агроқұрылым басшылары, астық жинауда биік белестерден көріне білген майталман жұмысшылар қатысқан үлкен мерекелік кеш өтті.
Ауыл шаруашылығы саласында ауданда көптеген жеке қожалықтар ашылып, бүгінде олардың барлығы да өз ісін алға жылжытып отыр. Еліміздің әлеуметтік-экономикалық дамуына үлкен үлес қосып отырған ауылшаруашылық қызметкерлері назардан тыс қалған емес. Елбасының жарлығымен жыл сайын қараша айының үшінші жексенбісі ауылшаруашылық қызметкерлері күні болып бекітілді. Осыған орай, Қ.Алтынбаев атындағы аудандық мәдениет үйінде ауыл шаруашылығы қызметкерлерінің кәсіби мерекесіне арналған салтанатты жиын болып өтті. Жиынға аудан әкімі Р.Н.Сағандықов, аудандық мәслихат хатшысы Т.Сарманов, ауылдық округ әкімдері, мекеме, кәсіпорын басшылары, ауыл шаруашылық қызметкерлері мен жеке қожалық басшылары қатысты.
БОЛАШАҒЫ ЖАРҚЫН ЖАСТАР
- Article Details
1 желтоқсан - Тұңғыш Президент күні мерекесіне орай «Жастардың Елбасымен 100 нақты қадамы» атты дәстүрлі V аудандық жастар форумы болып өтті. Қазақстан Республикасы Тәуелсіздігінің 25 жылдығына арналған «25 жұлдызды күн» аясында өткен шарада аудан әкімі Рамиль Сағандыков жастармен кездесіп, келелі кеңес құрды. Сонымен бірге, аталмыш шараға ардагерлер кеңесінің төрағасы Сләмбек Мұқашев қатысып, ішкі саясат бөлімінің басшысы Бек Нұғыбаев модераторлық етті. Әр саланың үздіктері бас қосқан кездесу барысында жас-тар тарапынан ұтымды ұсыныстар айтылып, жеткен жетістіктер сараланды, еңбегімен үлес қосқандар құрметке бөленді.
РАЙОННЫЙ ФОРУМ МОЛОДЕЖИ
- Article Details
1 декабря, в праздничный День Первого Президента, состоялся V районный форум молодежи под эгидой «100 шагов молодёжи вместе с Лидером нации». Данное мероприятие посвящено 25-летию Независимости, состоявшееся в рамках проводимых «25 звёздных дней». На встрече с молодежью присутствовал аким района Рамиль Сагандыков. Наряду с этим, на форуме присутствовал председатель районного Совета ветеранов Слямбек Мукашев, модератором мероприятия выступил руководитель отдела внутренней политики Бек Нугыбаев. На диалоговой площадке собрались активисты разных сфер деятельности, обсуждали насущные проблемы молодежи, анализировали свои достижения, лучшие из них удостоились наград и поощрений.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
