07 Қыркүйек 2026
ЖАС ВОЛЕЙБОЛШЫНЫҢ ЖЕҢІСІ
- Article Details
Көкпекті ауданының жас спортшысы, Көкпекті орта мектебінің 11-сынып оқушысы Серіков Санжар Бауыржанұлы волейболдан Қазақстан Республикасы чемпионатында Абай облысының жасөспірімдер құрамасы сапында өнер көрсетіп, күміс жүлдеге ие болды.
2009 жылғы 8 маусымда Көкпекті ауылында дүниеге келген Санжар волейболмен 2022 жылдың қаңтар айынан бастап айналысады. 2023 жылдан бері Абай облысының құрамында ойнап келеді. Осы уақыт ішінде аудандық және облыстық жарыстарда бірнеше мәрте жеңімпаз әрі жүлдегер атанып, «Үздік қорғаушы» және «Үздік шабуылшы» номинацияларын иеленген.
АЛТЫН ҰЯҒА АЛҒЫС – ҰРПАҚҚА ҮЛГІ
- Article Details
"Абай атындағы мектеп- балабақша кешені"КММ бітіргендеріне 50 жыл толған түлектер өздерінің алтын ұя мектебіне деген құрметі мен шынайы алғысын білдіріп, мектепке спорттық доптар мен акт залға кілем сыйға тартты. Бұл – туған мектебін ұмытпай, білім нәрімен сусындатқан қара шаңырағына қолдау көрсетудің, кейінгі ұрпаққа жанашырлық танытудың жарқын үлгісі. Осындай игі бастама арқылы ардақты түлектер мектепке деген сағынышын білдіріп қана қоймай, оқушылардың спортпен шұғылдануына және мектеп өміріне өз үлестерін қосты.
Құрметті 50 жылдық түлектер!
Сіздерге мектеп ұжымының атынан шынайы алғысымызды білдіреміз! Туған мектебіңізге жасаған сый-сияпаттарыңыз игілікке жарап, шәкірттеріміздің игілігіне қызмет етсін! Алтын ұяға деген құрмет – ұрпаққа көрсетілген өнеге!
Үлгілімалшы ауылдық округі
«МЕКТЕПКЕ ЖОЛ» ЖАҚСЫЛЫҚТАН БАСТАЛАДЫ
- Article Details
Жыл сайын Көкпекті ауданында жаңа оқу жылы қарсаңында оқушыларға қолдау көрсетуге бағытталған республикалық «Мектепке жол» акциясы өткізіледі. Бұл игі бастама аясында қайырымды жандар мен демеушілердің қолдауымен балалар қажетті оқу құралдарымен қамтамасыз етіліп, жаңа оқу жылын алаңсыз әрі қуанышпен бастауға мүмкіндік алады.
Биыл да ізгі дәстүрден ТОО «Altai Resources» компаниясы шет қалмай, акцияға қолдау көрсетті. Компания мектеп қажеттіліктерін сатып алуға 2 000 000 теңге көлемінде қаржы бөлді. Осындай жүрекжарды қолдаудың арқасында ауданымыздың 100 оқушысы жаңа оқу жылын көтеріңкі көңіл-күймен, қажетті құрал-жабдықтармен қарсы алды.
31 тамыз күні аудандық Оқушылар шығармашылық сарайында 100 оқушыға мектеп сөмкелері мен қажетті кеңсе тауарларын табыстау рәсімі өтті. Сыйлықтар ауданның әртүрлі мектептерінде білім алатын оқушыларға берілді.
Жол бойындағы қызмет сапасы артады
- Article Details
Ауданның әлеуметтік-экономикалық әлеуетін арттыруда инвестиция тартудың маңызы зор. Әсіресе жол бойындағы инфрақұрылымды дамыту, сервистік қызмет сапасын жақсарту және жаңа жұмыс орындарын ашу – елді мекендердің экономикалық белсенділігін арттыратын маңызды бағыттардың бірі. Осы тұрғыдан алғанда, Көкпекті ауданында қолға алынғалы отырған жаңа жоба өңір үшін өзекті бастамалардың қатарында.
Өткен аптада аудан әкімі Нұрбек Тұрсынқанұлы «Petro Retail» ЖШС-нің Шығыс Қазақстан және Абай облыстары бойынша директоры Серік Ұзақбайұлы Ахметалин және QazaqOil жанармай құю станциясының менеджері Гүлнұр Қизатқызы Ермекбаеваны қабылдады.
ЕРЗАТ – ТАҒЫ ДА ТҰҒЫРДА!
- Article Details
Жерлесіміз Ерзат Арғынов туған өлкенің абыройын республикалық спорт додаларында сәтті қорғап келеді. Қазақстан Республикасының дзюдодан өткен чемпионатында 81 келіге дейінгі салмақ дәрежесінде белдескен спортшымыз қола жүлдеге ие болып, өзінің шеберлігі мен спорттық жетістігін тағы бір мәрте дәлелдеді.
Бұл жүлденің артында – жылдар бойғы тынымсыз жаттығу, темірдей тәртіп, мықты мінез және спортқа деген шексіз сүйіспеншілік жатыр.
Үлкен мақсатқа бастар жол
Ерзат Арғынов 1998 жылы 27 мамырда Көкпекті ауылында дүниеге келген. Алты жасқа дейін Теректі ауылында ата-әжесінің тәрбиесінде болды. 2004 жылы Семей қаласындағы №31 орта мектептің табалдырығын аттап, сегіз сыныпты тәмамдады.
ПРЕЗИДЕНТ ҚАСЫМ-ЖОМАРТ ТОҚАЕВ ШАНХАЙ ЫНТЫМАҚТАСТЫҚ ҰЙЫМЫНА МҮШЕ МЕМЛЕКЕТТЕР БАСШЫЛАРЫ КЕҢЕСІНІҢ ОТЫРЫСЫНА ҚАТЫСТЫ
- Article Details
Мемлекет басшысы қонақжайлық танытып, жиынды жоғары деңгейде ұйымдастырғаны үшін Қырғыз Республикасының Президенті Садыр Жапаровқа және барша қырғыз халқына ризашылығын білдірді.
– Кездесуіміз бізге туыс елдер – Қырғызстан мен Өзбекстан тәуелсіздігінің 35 жылдығын мерекелеу күндерімен тұспа-тұс өтіп жатыр. Мұның символдық мәні зор. Орайлы сәтті пайдаланып, әріптестерім – құрметті Садыр Нургожоевич Жапаров пен қадірлі Шавкат Миромонович Мирзиёевті осы маңызды әрі тарихи күнмен құттықтаймын. Бауырлас халықтарға бақ-береке тілеймін! – деді Қазақстан Президенті.
Редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің редакторы Ф.М.Таянкенов.
Қаралым санағы
Біз әлеуметтік желідеміз
