Бастаушы ауылдық округіндегі 1 маусым Балаларды қорғау күніне байланысты мерекелік іс-шара өткізілді. Балғын бүлдіршіндеріміз үшін ең қуанышты мереке округ әкімшілігі ғимаратының алаңында өтті. Ауыл әкімдігінің қолдауымен ұйымдастырылған мерекелік шарада бүлдіршіндер ән айтып, өлеңдерін оқып өз өнерлерінін ортаға салды. Мерекеде балалар қызықты ойындар ойнады.

Көкпекті ауылдық округіне қарасты Шәріптоғай елді мекенінде 70 аула, 259 тұрғын бар. Ауыл тұрғындарына 1 негізгі мектеп және 1 ФАП қызмет көрсетеді. Бүгінгі күнге дейін ауылда ауылдық клуб болмаған. Ағымдағы жылы бұрынғы клуб ғимараты сот шешімі негізінде иесіз деп танылып, мемлекеттік иелікке алынды. Қазіргі уақытта ғимараттың төбесіне жөндеу жұмыстары жүргізіліп, 2020 жылдың аяғына дейін клубты қалпына келтіру ісі толығымен аяқталады деп жоспарланған.

Жеңіс мерекесі – бейбітшілік сүйгіш бүкіл адамзат қауымының мерекесі, жеңімпаз әкелер мен аға буынның және сол ағалар ісін алға апаратын жас буынның қасиетті де қастерлі мерекесі.
Жыл өткен сайын жаңғыра түскен Көкпекті ауданы аға буынға құрмет көрсету, ардагерлерді ардақтау шаралары да игі үрдіске айналған. Әсіресе, Ұлы Жеңіс мерекесінде аймақтың атқамінерлері майдангерлердің шаңырағына арнайы ат басын бұрып, дидарласуды парыз санайды. Биылғы мереке аясында аудандық мәслихаттың депутаты Айша Қалибекқызы Бикатова Ұлы Жеңіс мерекесіне орай Сарыбел ауылындағы тыл ардагерлеріне барып, құттықтады.

Көктем келісімен аудан округтерінде санитарлық тазалау және көркейту жұмыстары біртіндеп жандана бастады. Палатцы ауылдық округінің әкімі Бағжамал Базылағзамның ақпараты бойынша, Подгорное ауылындағы Жеңіс саябағында 40 түп қарағай, 20 қайың көшеті, 10 черемуха, 5 бұта сирени, 25 - жіп отырғызылды.