Мемлекеттік қызметкер қызметтің қай сатысында отырмасын, ең алдымен, ол өзінің халықтың қызметшісі екендігін ұғынуы тиіс. Мемлекет басшысы біздің ұранымызды: «Біздің міндет – халыққа қызмет» деп анықтады. Иә, алдына келген тұлғаның өтінішін қанағаттандырудың заңды әрі ең тиімді жолын табу, өз міндеттерін адал атқару, халықтың игілігіне жұмыс істеу мемлекеттік қызметкердің ең негізгі міндеті екені айқын.

Ауылдың сыртқы көркі – оның айнасы. Осы сөздердің байыбына бара білген Үлгілімалшы ауылындағы Ленин атындағы көшеге жарық-тандыру шамдары құрылып, ауылдық округ әкімі М.Смағұловтың бастауымен Көкжал Ба-рақ және Ленин көшелерінің жолдарына те-гістеу жұмыстары жүргізілді. Осындай игі іске ауылдың шаруақожалық иелерімен бірге ауыл тұрғындары да бір кісідей атсалысты. Көше бойындағы шөптерді шабу жұмыстарын да ауылдастар бірге еңсеріп тастады. Ауылдық округке қарасты Үлгілімалшы, Нұра, Мамай ауылының тұрғындары ауыл маңындағы Талапкер өзенінің суын бөгеу мақсатындағы алдын алу шараларын жүргізді. Сонымен қатар, әкімшілік ғимаратының алдын көріктендіруді де назардан тыс қалдырмады. Сүлеймен ауы-лы тұрғындарының демеушілігімен бұрынғы мектеп ғимаратының ішіне пеш салынып, жөндеу жұмыстары жүргізіліп жатыр. Еңбекқор үлгілімалшылықтар әр апта сайын сенбіліктер өткізуді де ұмытпайды. 

Қазіргі таңда футбол ауданымызда жоғары танымалдылыққа ие болып келеді. Бұл сөзіміздің шындығына аталмыш ойынды көкжәшіктен тамашалап, жанкүйер болып отыратын аға буын ғана емес, күн сайын ойын алаңының шаңын шығарып, ала допты аспанға атып жүрген жастар да дәлел бола алады.

Астана күніне арналған салтанатты мерекелік шараның шымылдығы ауыл әкімі Ержан Құдайбердіұлының ізгі ниетпен жолдаған құттықтауымен түрілді.
Сөз алған «Нұр Отан» бастауыш партия ұйымы төрайымының орынбасары Т.Бапабаев, ауыл имамы, аузы дуалы ақсақал Әлімқан пірадар мен Көкпекті ауданының құрметті азаматы, ауылдың қадірлі қариясы Қуан Түсіпбеков сынды жақсылар алқалы ағайынға ақжарма тілектерін айтып, мерекеге береке тілесті.