Бүгінде жалынды жастардың басын қосқан «Жайдарман» әзілқойлар мен тапқырлар сайысы. Жайдарман жастардың сүйіп көретін және сүйсіне ойнайтын әзіл алаңына айналды. Қазіргі таңда телеарна арқылы көрсетіліп, көптің ықыласына бөленіп жүрген ерекше жобалардың бірі.
«Жайдарман» әзілқойлар мен тапқырлар сайысы – жастарды мәдениеттілікке тәрбиелеу, интеллектуалдық деңгейін көтеру және өмірлік дұрыс бағыт-бағдар беру мен қоғам дамуына үлес қосып, жастардың өмірде өз орнын дұрыс таба білуге баулиды.

Көкпекті ауылының мәдениет үйінде аудандық жастар орталығының ұйымдастыруымен «Жайдарман – 2017» финалдық сайысы өтті. Бұл көңілді тапқырлардың сайысы Шұғылбай, Ажа, Биғаш, Үлгілімалшы, Тассай, Көкжайық ауылынан келген командалардың басын қосты. Жыл көлемінде өткен ойындарда суырылып шыққан алты команданың жайдарманшылары сайыс барысында қоғамдағы түйткілді мәселелерді әзілмен түйреп, көрермендерге көтеріңкі көңіл-күй сыйлады. Сайыс қорытындысында ұтымды әзіл, тапқыр сөзбен қарсыластарынан басым түскен Биғаш командасы командасы жеңімпаз атанып 1 орын алды. Ал, 2 орын Шұғылбай жастарына тиселі болса, Тассайлық «Пішінә» командасы үшінші орынға табан тіреді. Үлгілімалшы, Ажа және Көкжайық ауылының құрамалары белсене қатысқаны үшін марапатталды. Жарысты ұйымдастырушылар қатысушы командаларға ризашылығын білдірді.

Клара ҚАЙЫПЖАНҚЫЗЫ

Пікір: