Жыл сайын маусым айының үшінші жексенбісінде денсаулық сақтау саласы қызметкерлерінің төл мерекесі тойланады. Бұл күн ақ желеңді абзал жандардың өз еңбектерін саралап, жеткен табыстары мен алға қойылған міндеттерді айқындайтын күні. Көк-пекті аудандық орталық ауруханасы қызметкерлері де мерекені жоғарғы деңгейде атап өтті. Кәсіподақ кеңесінің қолдауымен бұл шара 16 маусымда өтті. Арнайы ұйымдастырылған кеште аудан әкімінің орынбасары К.Смаилова аудан әкімінің алғыс хатымен марапаттар табыстап, құттықтау лебізін білдірді.

- Ардақты ақ халатты абзал жандар! Сіздерді кәсіптік мерекелеріңіз - медицина қызметкерлері күнімен шын жүректен құттықтаймын! Адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтеген. Отбасыларыңызға амандық, дендеріңізге саулық тілей отырып, кәсіби біліктіліктеріңіздің арқасында биік асулардан көріне беріңіздер деген тілегімді білдіремін», - деді Клара Рафикқызы. Аудан әкімінің алғыс хатына Мейрамгүл Тарбағатайқызы, Гүлден Еркінқызы, Бағиза Ешенғазықызы, Жанат Ғазизқызы ие болды. Мерекелік кеш кәсіподақ кеңесінің ұйымдастырған құттықтауларымен жал-ғасты.
Біз де өз тарапымыздан адам жанына араша түсіп, халық денсаулығын сақтау жолында тер төгіп жүрген, барлық сырқаттың сырын ашып, өмірге шуақ шашқан дәрігерлерді кәсіби мерекелерімен құттықтаймыз! Зор денсаулық, жанұяларыңызға бақыт, еңбектеріңізге табыс тілейміз. Әрқашан ақ желеңдеріңізді кір шалмай, ел алғысына бөлене беріңіздер!

Клара ҚАЙЫПЖАНҚЫЗЫ

Пікір: