15 Қаңтар 2024
Қар тазалау жұмыстары қарқынды жүргізілуде
- Article Details
Көкпекті ауданында жаңа 2024 жыл қалың қар, боранмен басталды. Жылдың алғашқы күндерінде Көкпекті ауылында 40 см, қалған елді мекендерде 30-35 см қар жау-ды. Тоқтаусыз жауған қардың қазіргі күні аудан бойынша орташа қалыңдығы 1 метр шамасында. Орын алған жағдайға байланысты аудан әкімі Ділдәбек Оразбаевтың басшылығымен шұғыл шаралар қабылданды. Бүгінгі күні барлық коммуналдық қызметтер аудандық және елді мекен ішіндегі көше жолдарын қардан тазарту жұмыстарын қарқынды жүргізуде.
Аудан әкімі Ділдәбек Оразбаев тиісті қызмет басшылары мен жауапты мамандарға, орынбасарлары мен ауылдық округ әкімдеріне жағдайды үнемі бақылауда ұстап, уақытында ақпарат беріп отыруды міндеттеді. Ділдәбек Тәжібайұлы барлық бағытта үздіксіз жұмыс жүргізілуін талап етті. Көкпекті ауданы бойынша қар тазалауға 20-дан астам техника мен 80 адам жұмылдырылды.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
