22 Қаңтар 2016
МӘУЛІТ – МЕЙІРІМ МЕРЕКЕСІ
- Article Details
Жер жүзінің мұсылмандары асыға күтіп, бір ай бойына тойланатын ерекше мереке – Мәуліт тойы, міне киелі Көкпекті топырағына да келіп жетті. 21 қаңтар күні Көкпекті ауылының Қ.Алтынбаев атындағы мәдениет үйінде «Адамзаттың ардақтысы» атты мәуліт мерекесі болып өтті.
Мәулітке арналған салтанатты жиын Өскемен қаласындағы «Алтай» ер балалар медресесінен келген Руслан ұстаздың Құран аятын оқуымен басталды. Одан әрі аудандық мәслихаттың хатшысы Р.Беспаев сөз алып: «Қазіргі уақытта Ислам дініне қарсы шығып, соғыс зардаптарын көріп отырғандар аз емес. Мұндай жағдайды біздің халықтың басына бермесін. Сондықтан, дәстүрлі дінімізге бет бұрайық! Жүздеріне қуаныш, жүректеріне иман ұялаған қадірменді ағайын, Мәуліт мүбәрәк болсын», - деп құттықтау лебізін білдірді.
НАЧАЛОСЬ ВРЕМЯ ОТЧЕТОВ
- Article Details
Начались отчетные встречи акима района перед населением. 19 января глава района Рамиль Сагандыков встретился с жителями сельского округа имени К. Аухадиева и Улкенбокен, обсудив итоги ушедшего года.
Село Улкенбокен насчитывает 496 дворов, которые являются его историей. За последние годы село преобразилось и поменяло свой облик - дороги заасфальтированы, улицы освещены. Многонациональное население живет в мирном соседстве. В основном в округе широко развито растениеводство и животноводство. Встреча акима района с жителями округа, состоявшаяся в стенах школы, прошла в открытом диалоге с ярко выраженной активной гражданской позицией со стороны населения.
Села Жансары и Актас, входящие на сегодняшний день в состав округа Улкенбокен, насчитывают 1742 человек сельских жителей. Единство, дружба и взаимовыручка являются главным богатством любого села. И простые люди труда умеют ценить каждого земляка, не разделяясь на национальности и род, что является залогом успешного развития села.
ЕЛ АЛДЫНДА ЕСЕП БЕРУ БАСТАЛДЫ
- Article Details
Аудан әкімінің есеп беру кездесулері басталды. 19 қаңтарда аудан басшысы Рамиль Сағандықов Үлкенбөкен және Қойгелді Аухадиев атындағы ауылдық округ тұрғындарымен кездесіп, өткен жылдың қорытындысы бойынша ел алдында есеп берді. 
Төрт жүз тоқсан алты шаңырақ түтін түтетіп отырған Үлкенбөкен округінің ғасырдан астам тарихы бар. «Елу жылда - ел жаңа» демекші, бүгінде ауылдың ажары айшықталып, келбеті күн санап көріктеніп келеді. Жолдар асфальтталып, көшелер жарықтандырылған. Көп ұлтты қоныстың тыныс-тіршілігі де өзгеше. Негізінен ауыл халқы мал және егін шаруашылығына ден қойған. Мектеп қабырғасында өткен есептік кездесуге көптеп жиылған үлкенбөкендіктердің туған ауылдың тағдырына деген үлкен жауапкершіліктері мен азаматтық ұстанымы жарқын жүздерінен байқалып-ақ тұр.
Жансары, Ақтас, Үлкенбөкен ауылдары құрайтын ауылдық округте бүгінгі күні 1742 адам тұрады. Қашан да береке бірлігімен ерекшеленіп, татулығымен талайды тамсандырған ауылдың басты байлығы да осы. Бұл - ұлты мен ұлысына бөлінбей, маңдай термен келетін табысты бағалай білетін қарапайым еңбек адамдары.
- 2015 жылы алдыңғы жылмен салыстырғанда мал шаруашылығы өнімдері бойынша өсім көрсеткішіне қол жеткізілді. Бүгінгі күні округтегі жеке меншікте және шаруа қожалықтарында 3853 бас ірі қара, 801 жылқы, 3668 бас ұсақ мал бар. Ауыл тұрғындары мемлекеттік бағдарламалардың игілігін көріп отыр. Биылдың өзінде «Жұмыспен қамтудың жол картасы 2020» бағдараласы бойынша ағаш кесу цехы мен брусчатка шығару құрылғысы іске қосылды. Шаруа қожалықтары, жеке кәсіпкерлер, ауыл азаматтары қашан да бастамаларға қолдау көрсетіп, туған ауылдың тұрмысын түзеуге атсалысып келеді, - деді округ әкімі Нұрлан Назарханов.
Өткен жылғы іргелі істерді жеткізген ауыл әкімінен соң, учаскелік полиция инспекторы да ел алдына шықты. Биылғы есепті кездесулердің ерекшелігі де осы. Әр ауылдағы тәртіп сақшысы елмен етене болуы үшін жылдық жұмысын қорытындылап отыруы тиіс. Учаскелік инспектор Қанат Бітімбаев дерегіне сүйенер болсақ, былтырғы жылы округте тіркелген қылмыс саны 5 фактіге артқан. Бұл әлі де қылмыстың алдын алу бағытындағы жұмысты жандандыра түсу керектігін көрсетсе керек.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
