ҚОҒАМДЫҚ ТӘРТІПТІ САҚТАУ – ОРТАҚ МІНДЕТ

Article Details

Қоғам дегеніміз - ол өз қажеттіліктерін қанағаттандыру мақсатында өзара байланысты және өзара әрекет ететін тарихи қалыптасқан формалар арқылы біріккен, тұрақтылығымен, бүтіндігімен, өздігінен ұдайы өндірілетіндігімен, өзін-өзі реттеуімен, қажетті мәдениет деңгейіне жеткен жетістігімен ерекшеленіп, сипатталатын адамдардың жиынтығы. Қоғам – әлеуметтік жүйе. Ал, әлеуметтік жүйе деп, негізгі элементтері адамдар арасындағы өзара байланыстар мен қарым-қатынастардан, өзара ықпалдасудан тұратын күрделі тұтастықты айтамыз. Негізгі жалпы мемлекеттік шаралардың жүйесінде маңызды орын қоғамдық тәртіпті қамтамасыз етуге берілген. Құқықбұзушылық — қоғам өміріне тән дерт. Адам баласы өмір сүрген ортада ол да әрқашан орын алады. Бұл шартты құбылыс. Құқықбұзушылық — заңды, оның қағидаларын құқықтық нормалар жүктеген міндеттерді бұзу, тыйым салынған әрекеттерді жасау. Қ.Аухадиев ауылдық округіндегі құқықбұзушылық ахуал қандай жағдайда екенін білу мақсатында учаскелік инспектор Дамир Баймадиевпен сұхбаттасқан едік.

-Округтегі жағдайды тұрақсыз деуге келмейді – аса ауыр заң бұзушылықтар жоқ. Алайда, ауылдық округ тұрғындары арасында соңғы жартыжылдықта 41 ұсақ заңға қайшы әрекеттер орын алды. Көбінесе, бұл азаматтардың қоғамдық орындарға мас күйінде келуі, тұрмыстық ұрыс-керістер, үй жануарларын ұстау ережелерін бұзу жағдайлары. Заң бұзушылар өз іс-әрекеттеріне жауапкершілікпен қарамағандығы салдарынан біз оларды әкімшілік жауапкершілікке тартуға мәжбүр боламыз, тіпті, 15 тәулікке қамауға алынатын жағдайлар да болады.

Соңғы екі аптаның ішінде аталмыш әрекеттерге тағы екі ұрлық пен бір өзіне-өзі қол салу қылмысы қосылды. Ұрлыққа қатысты қылмыстық іс қозғалып, екі жағдайда да бұзақылар анықталып, қылмыстық жауапкершілікке тартылды. Өзіне-өзі қол жұмсауға келетін болсақ, ауданның криминалист-қызметкерлері істі тергеу жұмыстарын жүргізуде. 

-Округте құқықбұзушылықтың алдын алу үшін қандай шаралар қолданылуда?

-Күнделікті біз көмекшілерімізбен бірге күндізгі және түнгі уақыттарда көшелерді қарап жүреміз. Заң бұзушылармен профилактикалық әңгімелер жүргізіліп, тиісті жазалау шараларын қолданамыз. Алайда, кейбір азаматтар өз іс-әрекетіне есеп бермейді және одан ешқандай өрескелдікті байқамайды. Жеке меншік малдарды бағуды ұйымдастырмау, өз ауласында иттердің ірі тұқымын ұстау ережесін бұзу, тұрғын үй маңын тұрмыстық қалдықтармен және қоқыстармен ластау да осылардың қатарына жатады. Аталғандардың барлығы, әсіресе, қараусыз қалған мал тобыры ауылшаруашылық алқаптарына, жеке меншік бау-бақшаға зиянын тигізеді. Ал, иесіз және тұмылдырық кигізілмеген бос иттер өткінші адамдар мен балалардың өміріне қауіп төндіреді. Осыған сәйкес, әкімшілік актілер толтырылып, құқықбұзушылар әкімшілік жауапкершілікке тартылады. Алайда, мәселе шешілмеген күйі қалады. Осы жағдайлар жүйелі түрде қайталанып отырады. Өйткені, заң бұзушылар істің арты неге апарып соғатынын ойламайды және қойылған талаптарды орындағысы келмейді.

-Құқықбұзушылықты қалай жүгендеуге болады?

-Егер әр тұрғын өз ісін бақылап, жақын-жуықтары мен өзі үшін және жеке дүние-мүлкі үшін жауапкершілікті сезінсе, қоғамдық тәртіпті сақтаса, онда құқықбұзушылық та аз болар еді. Кәсіпкерлер өз иелігіндегі сауда нысандарына тиісті қауіпсіздік шараларын қолданғысы келмейді. Нәтижесінде, тонаушылар олардың дүкендеріне еш кедергісіз еніп, бизнестеріне материалдық зиян келтіреді. Тонаудың алдын алу мақсатында сауда нысандарында дабылдама жүйесі, бейне камера, терезе торлары орнатылуы тиіс. Алайда, бұл нысандардың қожайындары қажетті құрылғыларды орнатуға жұмсайтын аздаған шығыннан гөрі, бұзақылардың кесірінен жүздеген мың теңге жоғалтқанды тәуір көретін сияқты. Ересек адамдар мен жастар өз үйлерінде немесе достарының ортасында спирттік ішімдіктерді ішіп, жай ғана көшеге шығуының өзі оларды автоматты түрде қоғамдық тәртіпті бұзушылар қатарына жатқызатынын түсінуі қажет. Заң барлығына бірдей. Және кінәліге артылатын шара ҚР Қылмыстық кодексінің Заңнамасымен анықталады. Ал, малға, қоқыс шашуға және үй жануарларын ұстауға қатысты ережелерді бұзғандар айыппұл салу арқылы жазаланады.

Қазіргі заманның талабына сай қалыпты қоғамдық тәртіпті қамтамасыз ету мемлекет қызметтерінің бірі болып саналады. Оны жүзеге асыруға ҚР Конституциясында көрсетілгендей, барлық мемлекеттік органдар, жауапты тұлғалар мен азаматтар қатысады. Бұл қызметтерді жүзеге асырудағы басты рөл ішкі істер органдарына берілген. Олардың құқықтық жағдайларына сәйкес, елдегі қоғамдық тәртіпті сақтау - басты міндет болып табылады.

Құқықбұзушылықты жою және оларды туындататын себептер бойынша

міндеттерді шешудің негізгі жолдары, әрине, азаматтарды тәрбиелеу. Бүгінгі заман талабына сай олардың адамгершілік қасиеттері мен мәдени деңгейін көтеру, ел азаматтарын қоғамдық тәртіпті нығайтуға, бұзақылықпен, маскүнемдікпен күресті күшейтуге, демократиялық принциптерді іске асырудың сенімді базасын құруға бағыттайды.

Құқықбұзушылық құқықтық нормалар қорғайтын мүддеге нұқсан келтіріп қоғамның, жеке адамның мүддесіне зиянын тигізеді, белгіленген құқықтық тәртіпті бұзады. Құқықтық нормалардың талаптарын орындамау нәтижесінде тәртіп бұзылады, қоғамдық қатынастарға кесел келеді, белгілі бір игілік, құнды зат жоғалады, адамның өміріне, денсаулығына, рухани сезіміне зиян келтіреді.

Азамат өзіне жүктелген міндеттерді орындаса немесе құқықтары мен бостандықтарын пайдалана алса, мұндай іс-әрекет азаматқа да, қоғамға да пайдасын тигізетіні сөзсіз. Азаматтар заңда белгіленген міндеттерін бұлжытпай орындаса, қоғамда зандылық орнап, құқықтық тәртіп сақталады. Азаматтар өз құқықтары мен бостандықтарын тиімді пайдалана алса, қоғамның жан-жақты дамуына, адамдардың тұрмыс жағдайларының жақсаруына, халық мәдениетінің өркендеуіне тиісті жағдай туады. Сондықтан, әр мемлекет, оның аппараттары мен органдары қоғамда заңдылыққа, құқықтық тәртіпке нұқсан келтірмеуді қамтамасыз етеді. Олар жеке және заңды тұлғалардың іс-әрекеттерін қатаң бақылап отырады.

Әр адам, ең алдымен, өзінің және жеке меншік мүлкінің қауіпсіздігін ойлап, оны қорғау үшін сәйкес шараларды қолдануы, өз іс-әрекетін үнемі бақылаудан шығармауы тиіс. Ішкі істер органдары әрдайым үздіксіз заң тәртіптерінің орындалуын қадағалайды. Бірақ, олар әрбір жеке азаматты көзден таса қылмай, оны заң бұзушылықтан немесе сырттан келетін зияннан қорғай алмайды. Бұны әрқайсымыз ойлаған жағдайда ғана көптеген заң бұзушылықтарды болдырмай, қоғамды ізгілендіре және саналырақ ете түсеміз.

Екатерина СКУДАРНОВА

Read more

БІЛІМ МАЙДАНЫНДАҒЫ БІЛІКТІ ҰСТАЗДАР

Article Details

Ұстаздардың еңбегін өрнектеп қанша жазсақ та, қаншама жерлерде дәріптесек те, тіпті, ақындар мұғалім еңбегіне тәнті болып жыр төксе де, көптік етпес. Олардың еңбегі қоғамды басқарғаннан да ауыр деп бекер айтпаған болар. Иә, ұстаз тағылымынан артық не бар дейсіз?! Алдына келген шәкіртінің болашағы жарқын азамат болып қалыптасуы жолында олар төккен тер дүниенің еш байлығымен өлшенбес. Осы орайда біз ұстаздар еңбегін, тағылымын дәріптеп, барша жұртқа таныстыруға арналған мақаламызда Самар ауылындағы білім ордаларында еңбек етіп жүрген ісі қарапайым болса да, еңбегі зор ұстаздар – Төлеутай Әбішева, Альмира Сеңгербаева, Саниярбек Окумбаев жайлы айтпақпыз.

Білімге жаны құмар, жоғары санаттағы бұл мұғалімдерСамар ауылындағы абыройлы ұстаздардың алды. Бүгінде мол тәжірибе жинақтаған, жас мамандарға тәлімгерлік тәрбие беріп жүрген олар - мамандығын құрмет тұтатын, өз пәнін сүйетін, шәкірттерін де сол бағытта баули алатын үлгілі ұстаздар.

Ж.Болғанбаев атындағы мектептің ұстаздары Т.Әбішева мен А.Сеңгірбаева «Өрлеу» БАҰО» АҚ филиалы «Қазақстан Республикасы білім беру жүйесінің басшы және ғылыми-педагогикалық қызметкерлері біліктілігін арттыратын республикалық институтында» Кембридждік оқыту тәсілдерін үйреніп келген. Әр адам өмір бойына болдым, толдым демей, үйренумен, ізденумен болады. Өз бетінше ізденуіне нүкте қойған күннен бастап, оның өмірі тоқырайды десек те болады. Міне, Төлеутай Қалиқызы мен Альмира Тоқтарғазықызы да ширек ғасыр ұстаздық қызметте жүрсе де, осы уақытқа дейін жинақтаған тәжірибеміз де жетеді деп тоқтап қалмай, заман ағымына сай біліктілікті арттыруға барынша тырысып бағуда.

Шәкірттерінің бәрін өз баласындай сүйетін ТөлеутайҚалиқызы математика пәнінің мұғалімі. Былтырғы жылы Қазақстан Республикасы педагог кадрларының біліктілігін арттырудың деңгейлі бағдарламалары аясында екінші (негізгі) деңгей бағдарламасы бойынша мұғалімдерді оқыту курстарын аяқтаған, тағатсыз ізденіс, тынымсыз еңбегімен өз ортасында қадірлі, білікті ұстаз бола білген оны әріптестері де, шәкірттері де құрмет тұтады. Бүгінге дейінгі ширек ғасырдан астам уақыт ұстаздық тәжірибесінде ол талай биік-белестерді бағындырған. Мәселен, «Үздік вариативтік оқу жоспары» аудан бойынша 1 орын, облыс бойынша бас жүлде иегері, 6 сынып оқушыларымен аудандық семинар жүргізген. «Талантты, дарынды оқушыларды оқыту» деген тақырыпта ауданның математик мұғалімдеріне коучинг-сессия өткізген. «Оқыту мен оқудағы жаңа тәсілдер: диалогтік оқыту» тақырыбы бойынша оған облыстың түкпір-түкпірінен жиналған жас ұстаздарға коучинг-сессия өткізу мәртебесі берілген. Бұл тек өз мамандығын жетік білетін, қадірлі ұстазға ғана берілетін мәртебе екені анық. «Маған балалармен жұмыс жасаған ұнайды. Осы мұғалімдік қызметті таңдағаным содан болар. Басқа пәнге де ауысқым келмейді. Өзге салада өзімді тіптен елестете алмаймын», - дейді кейіпкеріміз.Әңгіме барысында Т.Қалиқызы «Білекке сенген заманда ешкімге есе бермедік, білімге сенген заманда қапы қалып жүрмелік» дегендей, оқытудың озық технологияларын үйрететін курстың пайдалылығы жайлы да айта кетті.

-Басында балалар сабаққа көп қызыға бермейтін. Оларды қалай қызықтырсам, сағатымды қалай тартымды өткізсем деген ой маған маза бермей жүрген кездер де болды. Осы сұрақтардың шешімін қалай табамын деп жүргенде мені ойламаған жерден Кембридж бағдарламасының курсына жіберді. Бұл өзі маған жемісі мол бағдарлама болды. Сол үш айлық курста балаларды сабаққа қызықтарудың әдіс-тәсілдерінің көп екенін білдім. Біз, көбінесе, балаларға шектеу қойып, оларға басымдылық көрсетіп, сабақ барысында мұғалім 80 пайыз өзі сөйлеп, оқушыларға тек оқулықтың көлеміндегі ғана білімді беріп жатқанымызды түсіндім. Кембридж әдіс–тәсілдерінен үйренгенімді сабағымда пайдаланып көргенімде оқушыларымның сабаққа қатты қызыққанын байқадым. Бір мен емес, сол қысқа мерзімдік курсқа барып қайтқан ұстаздардың бәріне бұл әдіс өз пайдасын тигізді деп нық, сеніммен айта аламын»,- дейді ол.

Аталмыш курста біліктілігін жетілдіріп қайтқан А.Тоқтарғазықызы физика пәнінің мұғалімі.Ол - жаны қалаған сүйікті ісімен айналысып, ғұмырының 29 қысын, 29 көктемін мектеп қабырғасында өткеріп келе жатқан өз ісінің маманы. Білім бере жүріп, біліктілігін арттырып, таудай талабымен талайларды таңдай қаққызған ол бізге Кембриждік тәсілдерінің сабақ барысына оң әсерін тигізіп жатқанын айта кетті.–Осы курстардың тыңдаушысы болуым мен үшін жаңалық көзі мен жаңа тәсілдерді үйренуге жол ашты. Бұл бағдарламаның басты міндеті - қазақстандық мұғалімдерге педагогикалық тәжірибесін жетілдіру мен бағалай білуге көмектесу. Сындарлы ойлауға бағыттау.Ол 7 модульді қамтиды. Бұл бағдарлама қазақ елінің білім саласына жаңа жетістіктер әкеледі деген сенімдемін», - дейді ұстаз. Сонымен қатар, ол осы тәсілдерді сабақ барысында қолданудың қыр-сырымен таныстырған институт оқытушысыҒалым Іркітбайға алғысы зор екенін жеткізді. «Ертеңгі мемлекеттің болмысы – ұстаздың бүгінгі тәлімінде» деген қағиданы берік ұстанған бала жанының бағбаны бүгінде жас ұстаздарға өз білгенін үйретіп, біліктілік дәрістерін беруде.

Жүрегінен шуақ төгілген жанның қарамағында болған шәкірттерінің алды бүгінде беделді қызметте жұмыс жасаса, арты алдыңғы қатарлы жоғарғы оқу орындарында білім алуда. Соңғы үш жылда оның 25 оқушысы білім гранты бойынша оқуға түскен. Мәселен,  Д.Карменова Халықаралық IT университетінде оқыса, Б.Маратұлы Гумилев атындағы Ұлттық университетте білім алуда. Ал, 9 сыныптан кейінНазарбаев зияткерлік мектебіне оқуға қабылданған А.Карменова бүгінде Назарбаев университетінің түлегі. Бұның бәрі, әрине, ұстаз еңбегінің жемісі деп білеміз.

Келесі кейіпкеріміз Саниярбек Дұғажанұлы Самар аграрлық-техникалық колледжінде 40 жылдай ұстаздық еңбек етіп, ұйымшылдықты қалыптастырып, шәкірттермен де қоян-қолтық араласып жүрген білікті маман. Өзінің еңбек жолында ол осы мекемеде шебер, мұғалім, әскери жетекші, директордың орынбасары, директор лауазымына дейін көтеріліп, өзінің іскерлік қабілетін жан-жақты танытып, жауапты қызметтерді үлкен сеніммен атқара білді. Бүгінде С.Дұғажанұлы директордың оқу ісі бойынша орынбасары болып қызмет атқаруда.

Еңбек жолында өз тәжірибесін шәкірттері мен жас ұстаздардың бойына дарытып, оқытудың тың әдіс-тәсілдерін ізденімпаздылығымен іске асырып жүрген ұстаздың қолынан талай шәкірт үлкен өмірге қанат қағып, аяқ басқан еді. Мәселен, ауданымыздың беделді азаматы Е.Мәмбетов, Ж.Жолжақсинова осы білім ордасының қарашаңырағынан түлеп ұшқан түлектер.

«Өзгенің бақытын аялаған, өз уақытын аямаған» - деген тәмсілді өз заманында ұлы педагогтарымыз С.Окумбаев, Т.Әбішева, А.Сеңгербаевасынды ұстаздарға қарап-ақ  айтқан болар. Сондай ұлы педагогтардың сынығындай болған бұл адамдар нағыз ұстазға тән қасиеттердің бәрін бойына жия білген екен. Мамандығын шексіз сүйетін кейіпкерлеріміздің жанары оқушыларына деген шексіз махаббатқа толып тұрды. Жақсы ұстаздардың шығармашылық ізденісіне, толассыз еңбектеріне зор табыс тілей отырып, өзін, ғұмырын арнаған мамандықтың әрдайым рахатын тата берсін демекпіз!

Арайлым МИРАТҚЫЗЫ

Read more

ЖАҢАЛЫҚТАР ТОПТАМАСЫ

Article Details

«ЖАЙДАРМАННЫҢ» ЖАЙСАҢДАРЫ ЖИНАЛДЫ

Ағымдағы айдың 18 жұлдызында Қ.Алтынбаев атындағы Мәдениет үйінде Көкпекті жастар орталығының кубогы үшін облыстық жайдарман ойындары өтті. Облыстық деңгейдегі шара аймақ, аудан көлемінде өнер көрсетіп жүрген ең таңдаулы құрамалардың басын қосты. Әзіл кешінде көңілді де тапқырлар командалары қоғамдағы түйткілді мәселелерді көтеріп, әзілмен түйреді. Көрерменді күлкіге қарқ қылып, ойландырды.“Жайдарманның” айтулы көңілді кешін облыстық көңілді тапқырлар клубының директоры Ақбар Түсіпбеков жүргізді. Астарлы әзіл, заманға лайықты талғам көрсеткен жайдарманшылардың ойыны көрерменнің көңілінен шықты. Жиналған қауым құрмет-қошемет түрінде толассыз қол шапалақтады. Әсіресе, алыс аймақтардан келген командалардың әзілдері ерекше әсер қалдырды. Сайыс қорытындысы бойынша Өскемен қаласының «Селт еткізер» атты командасы өткір әзілмен, ұтымды қалжыңмен ерекшеленіп, Көкпекті жастар орталығының кубогын жеңіп алды.

Read more

СОХРАНЕНИЕ ОБЩЕСТВЕННОГО ПОРЯДКА – ЗАДАЧА ОБЩАЯ

Article Details

Общество представляет собой исторически развивающуюся совокупность отношений между людьми, группами людей, складывающихся в процессе их деятельности. И для своего развития общество требует всестороннего обеспечения, которое представляет собой систему мер, связанных с удовлетворением потребностей. В системе основных общегосударственных мер, связанных с удовлетворением потребностей, важное место отводится обеспечению общественного порядка Правонарушение — это общественно опасное виновное деяние, противоречащее нормам права и наносящее вред обществу, государству или отдельным лицам, влекущее за собой юридическую ответственность. О том, как обстоят дела с профилактикой правонарушений в округе имени К.Аухадиева нам рассказал участковый инспектор Дамир Баймадиев.

- Ситуацию в округе нельзя назвать нестабильной – особо тяжелых правонарушений нет. Однако, за последние полгода, уже совершено 41 мелкое правонарушение со стороны жителей округа. В основном это появление граждан в нетрезвом состоянии в общественных местах, бытовые ссоры и потасовки, нарушение правил содержания домашних животных. Жители не несут никакой ответственности за свои действия и в итоге мы вынуждены привлекать их к административной ответственности вплоть до ареста на 15 суток.

За последние две недели к этим правонарушениям прибавились две кражи и одно самоубийство. В отношении краж были возбуждены уголовные дела и в обоих случаях правонарушители уже установлены и привлечены к уголовной ответственности.  Что касается самоубийства, то в настоящее время сотрудниками – криминалистами района  ведется расследование данного инцидента.

- Какая работа в округе ведется вами для предотвращения правонарушений?

- Ежедневно мы совместно с помощниками патрулируем улицы, как в дневное, так и особенно в ночное время. С нарушителями проводятся профилактические беседы, принимаются соответствующие меры наказания. Однако, жители не осознают  всю ответственность своего поведения, и не хотят видеть в своих действиях проблему. Такая же ситуация и с неорганизованным выпасом скота, нарушением правил содержания собак крупных пород на территории своих подворий, загрязнение территории возле частных домов мусором и бытовыми отходами. Все это влечет к тому, что свободно бродящий скот наносит ущерб сельскохозяйственным угодьям, частным дачным участкам. Свободно разгуливающие собаки без хозяина и намордников кусают прохожих и детей. Соответственно, заводятся административные акты, нарушители привлекаются к административной ответственности, но проблема остается нерешенной. Все это повторяется систематически, так как сами нарушители не задумываются о последствиях и не хотят выполнять установленные требования.

- Скажите, а как можно предотвратить правонарушения?

- Если бы каждый житель понимал, что он сам должен контролировать свои действия, нести ответственность за себя и своих близких, свое имущество и не нарушать общественный порядок, то и правонарушений было бы намного меньше. Предприниматели не хотят обезопасить свои торговые объекты соответствующими мерами безопасности, в результате чего грабители легко проникают на территорию их собственности и наносят материальный ущерб их бизнесу. В целях предотвращения ограблений на объектах торговли должны быть установлены сигнализации, камеры наблюдения, оконные решетки, но видимо, хозяевам этих объектов проще потерять в результате нападения на их магазины злоумышленниками сотни тысяч тенге, чем потратить небольшую в сравнении с ущербом сумму на установку необходимого оборудования. Молодежь и люди старшего возраста, распивая спиртные напитки в своих домах или в компании друзей, должны понимать, что, выйдя в нетрезвом состоянии на улицу, они автоматически являются нарушителями, даже если ведут себя мирно. Закон для всех один, и мера виновности определяется в соответствии с установленным Законодательством Уголовного кодекса РК. Это касается и в отношении скота, уборки мусора и домашних животных – нарушение требований Закона будет наказываться путем наложения штрафных санкций.

Обеспечение надлежащего общественного порядка отвечающего требованиям современности, является одной из функций государства, в осуществлении которой, как сказано, в Конституции РК, принимают участие все государственные органы, должностные лица и граждане. Важная роль в осуществлении этой функции отводится органам внутренних дел, для которых в соответствии с их правовым положением обеспечение общественного порядка в стране является главной задачей. Основными путями решения задач по ликвидации правонарушений и устранении причин их порождающих, является конечно же воспитание людей, повышение их идейно-нравственного и культурного уровня, с одновременным дальнейшим совершенствованием законодательства в свете современных требований жизни, повышением роли всех граждан страны в укреплении общественного порядка, усилением борьбы с хулиганством, пьянством, укрепление общественной дисциплины и соблюдением всех граждан своих обязанностей перед обществом, к интересам народа создает единственно надежную базу для наиболее полного воплощения принципов демократизма, подлинной свободы личности. Всякое безответственное отношение к своим обязанностям есть вместе с тем нарушение демократических принципов уклада жизни.

Каждый гражданин, проживающий в нашей стране, не должен оставаться сторонним наблюдателем, а обязан принимать самое активное участие в организации общественного порядка. Ведь никто кроме нас самих не обязан заботиться о безопасности нашего имущества или нас самих. В первую очередь, каждый из нас должен сам думать о своей безопасности и сохранности имущества, принимать соответствующие меры и нести постоянный контроль своим поступкам и действиям. Органы внутренних дел ведут непрерывный контроль за обеспечением правопорядка, но они не могут уследить за каждым отдельным гражданином и предостеречь его от правонарушения или нанесения ему вреда извне. Об этом должны позаботиться мы сами. Так мы сумеем предотвратить многие нарушения, сделать общественность нравственно чище и сознательнее.

Екатерина СКУДАРНОВА

Read more