Қарттарды құрметтеу, олардың еңбектерін, мемлекеттің дамуына қосқан үлестерін мойындау белгісі ретінде Үлкенбөкен ауылдық округінде қазан айында жыл сайын Қарттар күні мерекесі атап өтіледі. Биылғы жылы да дәстүрге сай Үлкенбөкен ауылында «Баян» дәмханасында дастархан жайылып, концерт қойылды. Округ әкімі Н.Назархановтың құттықтау сөзімен басталған іс-шара қариялардың ізгі-тілектерімен жалғасын тапты. Ауданнан осы мерекеге арнайы келген ауданның жезтаңдай әншілері Жаңабай мен Кеней қарттарымызға әсем әндерін арнады. Апаларымыз бен аталарымыздың жүздері қуанышқа толып, бір бірлерімен сырласып, көңілдері марқайып қалғаны анық. Сондай-ақ мейрамға келген ақ жаулықты әжелеріміз тамылжыта ән салып, өз өнерлерін ортаға салды.

Қорыта келе айтарым, қазыналы қарттарымыз ортамызда жүре берсін, еліміз аман, жұртымыз тыныш болсын дегіміз келеді.Осы мерекенің жоғары деңгейде өтуіне демеушілік көрсеткен шаруа қожалықтары «Табиғат», «Дидар», «Надежда», «Дастан» және жеке кәсіпкерлер М.Нұғыспанов, Е.Юсупов, Б.Ғалымжанов, А.Тасилов, Р.Чукушев сияқты азаматтарымызға алғысымыз шексіз.

К.Баймолдин, клуб меңгеруші

Пікір: