Ағымдағы жылдың 30 наурыз күні Алматы қаласында Халықаралық Ойша Санау Мектебінің lll Республикалық Олимпиадасынан (Train Your Brain) Көкпекті ауданы Прео-браженка орта мектебінің 4 сынып оқушылары Гүлім Айдын және Айым Айдын І орын алып қайтты.
Ментальды арифметика бұдан 5000 жыл бұрын оңтүстік-шығыс Азия елдерінде пайда болған және қазіргі таңда әлемде кеңінен қолданылуда. Бұл жүйе арқылы балалар ойша кез-келген арифметикалық есептерді калькулятордан бұрын есептей алады. Алайда, тез есептеу әдістеменің басты мақсаты емес.

Бұл – бала бойындағы логика, зейінді шоғырландыру, фотографиялық есте сақтау, өз-өзіне сенімділік, қиын сәттерден тез шығу, төзімділік қасиеттерін дамытады. Сонымен қоса басқа пәндерді оқуда жетістіктерге жетуге септігі тиеді. Бала бойындағы интеллект, аналитикалық және шығармашылық тұрғыда ойлау, кез-келген шешімді қабылдауда дәлдік пен жылдамдық пайда болады.
Аудан орталығындағы Көкпекті орта мектебіндегі ІSMA курсынан Айым мен Гүлімнің дәріс алып жүргендеріне бір жарым жылдай уақыт болды. Оларға сабақ беретін ұстаздары Шолпан Шакенқызы Ғабдуллина және Нұргүл Айғалиқызы Қаражігітоваға, қыздардың ата-аналары Айдын мен Амангүлдің алғыстары шексіз. Ұстаздарға болашақта да еңбектері ақталып осындай оқушылары көп болып, бұдан да биік белестерді бағындыра берулеріне тілектес.
Ал, жеңімпаздарымызға оқуларында озат болып, кемел келешекте білім арқылы биік белес-терден көрінулеріне тілектеспіз!

КЛАРА ҚАЙЫПЖАНҚЫЗЫ

Пікір: