Ветеринария, мал дәрігерлік қызмет мал шаруашылығында маңызды орын алады. Өйткені, саланың дамуы осы қызмет түрімен тікелей байланысты. Бұл сала Елбасының тұрақты назарында, қамқорлығында. Қала мен ауылды асыраушы болып табылатын саланы мемлекет тарапынан қолдау тиісті дәрежеде жүзеге асырылып отыр.
Сондықтан да, Шұғылбай ауылдық округінде биылғы жылы ветеринарлық алдын-алу жұмыстар әдеттегіден ерте басталды. Округтің бас мал дәрігері Қайырлы Қалдыбаев бұл салады сонау 1982 жылдан үздіксіз қызмет етіп келе жатқан тәжірибелі маман. Оның жанындағы фельдшер Ербол Қалбағаев және санитарлар Ержан Қалдыбаев пен Нұржан Рақымжанов да өз жұмыстарына өте жауапты жұмысшылар. Бүгінгі күнге жеке шаруашылықтардың ірі қара және ұсақ мүйізді малдарының барлығынан қан алынып болды. Шаруа қожалықтарын сәуір айының ортасына дейін толық тексеру жоспарлануда.

Округтегі ауыл шаруашылық мал-дарының аман болуы көп жағдайда мал иелерінің оны күтіп ұстауы, дер кезінде екпелерін ектіріп отыруы, шеттен тексерусіз мал кіргізбеуіне байланысты. Сондықтан, тұрғындардың мал мен ит ұстаудың барлық ережелерін орындауы міндет.

Д.Мұсағазин,
жастар саясаты маманы

Пікір: