Бүгін де әлем мұсылмандарының халықтық мерекесіне айналған, қуаныш пен шаттық күні болған, «Мәуліт мерекесі» сан ғасырдан бері жыл сайын тойланып келеді. Аллаға шүкір, егеменді ел болып, тәуелсіздігіміздің арқасында салт- дәстүрімізді жаңғыртып, тіліміздің мәртебесі өсіп, имандылығымыз, оған деген көзқарасымыз артып келеді. Діни мерекелер біздің Үлкенбөкен ауылымызда атаусыз қалмайды, соның бірі – Мәуліт мерекесі . Мешітте әртүрлі діни іс-шаралар өтеді. Мерекеге ұйытқы болып жүрген ауыл имамы Досқали Тойбеков. Мәулітке басқа да ауыл имамдары келіп дәстүрлі мәуліт-шәріпті оқыды.

Пайғамбарымыздың туған күнін өткізуге шаруа қожалықтары мен ауыл тұрғындары демеушілік жасады. Оларға Алланың нұры жаусын дейміз. Ал, мерекелік дастарханның сәнін келтіріп жүрген Күлтай, Бақытжамал, Айжан, Дария, Шолпан, Іңкәр, Дина атты азаматшыларымызға алғысымыз шексіз. Мейрамды шын ықыласымен қабылдап, әр түрлі өткізілетін мерекелерге қонақжайлылық танытқан «Баян» дәмханасының иесі Атиевтар жанұясына амандық тілейміз. Мәуліттің соныңа қарай құран бағышталып, хатым түсірілді. Баршаларыңыздың жүректеріңізде жылулық орнап иман нұрына толсын. Асыл армандарыңызбен ақ тілектеріңіз орындалсын!

Округтің ақпараты

Пікір: