Ағымдағы жылдың, 10 сәуір күні Қалихан Алтынбаев атындағы аудандық мәдениет үйінде Жастар орталығы жəне білім беру, денешынықтыру және спорт бөлімінің ұйымдастыруымен Астана қаласының 20-жылдығына арналған «Ел жүрегі - Астана» атты аудандық жастар арасында флеш-моб би байқауы өтті.
Шара патриоттық әндермен бас-талды. Ақ және қызғылт сары түсті киініп, ашық аспан астында көк туымызды биікке желбірете шыққан жастардың жүздерінен Астанаға деген ерекше әсерлерін байқадық. Флешмобқа ауданымыздың түкпір-түкпірінен 17 топ қатысты. Байқаудың өту барысында өткен жылдан қарағанда аудан бишілерінің деңгейі бір шама жоғарылап өскеніне көз жеткіздік.

Сайыс шарты бойынша конкурс екі кезеңнен өтті. 1 кезең бойынша командалар 1 минуттың ішінде өздерінің топтарын таныстырды, 2 кезең бойынша жастарымыз бойындағы ұлтжандылық, патриоттық сезімдерін тілсіз әдемі әуен ырғағында 5 минут көлемінде мәнді, тәлімді билерімен көрсетулері керек. Осы кезеңдерден сүрінбей өткен, тартысты би додасының жүлдегерлері де анықталды. Олар І-орын «Импульс» тобы (Көкпекті орта мектебі), ІІ орынды «Мың Қазақ» тобы (Аққала ауылынан келген), ал ІІІ-орын «Astana arlans» тобына (Шәріптоғай ауылынан) бұйырды. Жарысқа қатысып, белсенділік көрсеткен қалған би топтары алғыс хаттармен марапатталды. 2016 жылдан бастап Жастар орталығының мұрындық болуымен өткізіліп келе жатқан флеш-моб сайысы алдағы уақытта да жалғасын табады.

КЛАРА ҚАЙЫПЖАНҚЫЗЫ

Пікір: