Қазақстан Республикасы Президентінің 2013 жылғы 24 сәуірдегі №555 Жарлығымен бекітілген «Қазақстан Республикасының аудандық маңызы бар қалалары, ауылдық округтері, ауылдық округтің құрамына кірмейтін кенттері мен ауылдары әкімдерін қызметке сайлау, өкілеттігін тоқтату және қызметтен босату» қағидаларының 45-тармағына сай аудандық мәдениет үйінде Теректі және Қ.Аухадиев ауылдық округтері әкімдерінің сайлауы өтті. Сайлауға округ әкімдеріне сенім білдірген кандидаттардың адамдары және БАҚ өкілдері қатысты.

Бекітілген тәртіпке сәйкес, таңғы 10.00-де сайлау учаскесінің ашылуы және аудандық Мәслихат депутаттарымен мәслихат хатшысы Т.Сармановтың, аудандық аумақтық сайлау комиссиясының төрайымы Б.Оразғалиеваның басшылығымен депутаттарға дауыс берудің тәртібі туралы түсіндірілді.
Айта кетейік, ауылдық округтері әкімдерінің сайлауына 4 кандидат өз кандидатурасын ұсынған болатын, Теректі ауылдық округі әкімі лауазымына – Қайрат Ахметқлиевқа және Қайрат Жылқышов, Қ.Аухадиев атындағы ауылдық округке Меруерт Малғаждарова және Қуаныш Әңкебаев.
Дауыс беру бюллетеньдерін алғаннан кейін, әрбір халық қалаулысы дауыс беру кабинасына өтіп өз таңдауын жасап, нәтижесінде Теректі ауылдық округі бойынша сайлауға қатысқан 11 таңдаушының 10 Қ.Ахметқалиевқа, 1 дауыс Қ.Жылқышевқа, Қ.Аухадиев атындағы округі бойынша 11 таңдаушының 10 М.Малжағдароваға, 1 Қ.Әңкебаевқа дауысын беріп, тиісінше кандидаттар ауылдық округ әкімі болып сайланды.

КЛАРА ҚАЙЫПЖАНҚЫЗЫ

Пікір: