Елбасы Нұрсұлтан Назарбаевтың Жарлы-ғымен жыл сайын қараша айының үшінші жексенбісі Ауыл шаруашылығы қызмет-керлерінің күні болып бекітілді. Ауыл шаруашылығы ел экономикасының маңызды саласының бірі болып табылатындықтан бұл салаға Елбасымыздың өзі ерекше көңіл бөліп келеді.

Табиғаты көркем, төсінде төрт түлік малы масайраған киелі Көкпекті өңірі ауыл шаруашылығына жайлы аймақ. Сондықтан да мұнда қысы-жазы ауыл шаруасының қызу тірлігі қайнап жатады. Кәсіби мереке қарсаңында біз Көкпекті ауданының кәсіпкерлік және ауыл шаруашылығы басқармасының басшысы Марат Қапарұлы Теміржановпен ауданның ауылшаруашылық саласының бүгінгі жай-күйі төңірегінде әңгімелескен едік.
— Марат Қапарұлы, биылғы жыл ауыл еңбеккерлері үшін табысты жыл болды ма?
- 2015 жылда барлығы 130,0 мың гектар егін егіліп, жиналды, оның 78,4 мың гектары дәнді дақылдар, 54,5 мың гектары майлы дақылдар, 829 гектары күздік, 540 гектары картоп, 212 гектары көкөніс, 0,3 гектары бау-бақша жемістері. Дәнді дақылдардың орташа түсімділігі гектарына 13,2 центнер, ал майлы дақылдардікі гектарына 11,8 центнерді құрады. Ағымдағы жылы 14,0 мың гектардың екпе шөптері шабылып, оның орташа шығымдылығы гектарына 20 центнер, 1000 гектар сүрлемдік жүгерінің түсімі 60 центнерден, күнбағыс сүрлемінің орташа шығымдылығы 5,0 мың гектардан 48 центнерден алынды.

Құрметті ауыл еңбеккерлері, агроөнеркәсіп кешені, қайта өңдеу саласының қызметкерлері және ардагерлер!

Сіздерді кәсіби мерекелеріңіз – Ауыл шаруа-шылығы қызметкерлері күнімен шын жүректен құттықтаймыз! Бұл мерекенің біздің аграрлық ауданымыз үшін маңызы айрықша. Ауыл шаруашылығында еңбек ететін сала еңбеккерлері ел экономикасының маңызды стратегиялық бағыттағы саласын дамытуға сүбелі үлес қосуда.
Ауданда, егін, мал шаруашылығында, ауылдық аумақтарды дамытуда оң серпін байқалады. Ауыл тұрғындарының тұрмыс деңгейі жақсарып, жоғары технологиялық жобалар жүзеге асырылуда, саланы модернизациялау қолға алынып отыр. Қайта өңдеу саласында тың идеялар жүзеге асырылып, отандық өнім өндіруге зор үлес қосудасыздар. Аграрлық кешеннің болашағы бәсекелестікке қабілеттіліктің артуымен тығыз байланысты. Осының бәрі болашаққа сеніммен қарауға мүмкіндік береді.
Мемлекет басшысының «Ұлт жоспары - 100 нақты қадам» Стратегиялық жобасынан туын-дайтын міндеттерді біздің ауданның ауыл шаруа-шылығы саласының еңбеккерлері ойдағыдай орындайтындығына сенім мол. Ауданның агроөнер-кәсіп кешені қызметкерлері өздерінің кәсіби мерекелерін толымды тартулармен қарсы алып отыр. Біздің аграршылардың қажырлы еңбегінің арқасында ауа райының қолайсыздығына қарамастан, астықтың әр гектарынан орта есеппен 13 центнерден өнім алуға қол жеткізілді.
Сіздермен ауылдағы әлеуметтік салаға қатысты мәселелерді кешенді түрде шешу жолында бірлесіп жұмыс істеп келеміз. Мемлекеттің қолдауымен және бизнестің қатысуымен аграрлық сектордың қуаты арта түсетіндігі, сөйтіп, ауыл өмірі жақсаратындығы даусыз.
Құрметті ауыл еңбеккерлері, сіздерге зор ден-саулық, отбасы амандығын, қажырлы істеріңізге тың табыстар тілейміз!

Р.Сағандықов, Көкпекті ауданының әкімі
Р.Беспаев, мәслихат хатшысы