Чернобыль АЭС-дағы апатты жоюға қатысқан адамдарға құрмет көрсету мақсатында, кең көлемді патриоттық акция, маңызы бар іс шара аудан бойынша ұйымдастырылып жатады.Көкжыра ауылы Амангелді атындағы мектепте дәстүрлі түрде Чернобыль апаты зардабын жоюға қатысушы Марат Жаманғутовты еске алу үшін волейболдан турнир ұйымдастырылады.
Міне, биыл да осындай іс шара Чернобыль апаты зардабын жоюға қатысушы Қайрат Қаймулдиновтың ұйымдастыруы, мектеп ұжымының қолдауымен турнир өткізілді. Еске алсақ, Көкжыра тумасы 1986 жылы Марат Жаманғутов әскери борышын ақтап жүргенде бір неше ай бойы Чернобыльде болған. Еліне оралып келгенен кейін, ауыр зардаптарынан онкологиялық дертке ұшырап, мезгілсіз қайтыс болған.

Ағымдағы жылдың 24-25 қараша күндері 1 желтоқсан – Тұңғыш Президент күніне орай, Шығыс Қазақстан облысы, Зырян ауданының Бұхтырма ауылында облыстық еркін күрестен турнир өтті. Турнирге Өскемен қаласы, Зырян, Ұлан және Көкпекті ауданының Көкжыра ауылынан белсенді спортшылар қатысты. Округ әкімінің қолдауымен С.Құнафин және турнирге демеушілік көмегін тигізген Құлынжон ауылының тұрғыны Воротников Александр Петрович ақшалай көмек көрсетті.

Тамыры тереңде жатқан спорт түрінің бірі – қоян-қолтық күрес соңғы жылдары қарқынды дамып келеді. Бұл күрес түрі А.С.Пушкин атындағы орта мектебінде жақсы қолға алынған.
12 қараша айында Семей қаласында Болат Тұрлыханов атындағы «Тарлан» спорт кешенінде NOMAD MMA стилінен Шығыс Қазақстан облыстық ашық чемпионаты өтті. Чемпионатқа Ақ-ой ауылының 4 оқушысы барып, жеңіспен оралды. 5 сынып оқушысы Қайырбаев Әсет - 1 орын, 10 сынып оқушысы Советбеков Алдияр - 2 орын, 7 сынып оқушысы Жолдаспаев Әділжан – 3 орын және 2 сынып оқушысы Көшімбаев Бекзат – 3 орынға ие болды. Мектепішілік тізілісте мектеп директоры Ринат Қажиекберов жүлделі орын алып келген оқушыларды мақтау қағаздарымен марапаттап, медальдар табыстады.

Елбасы тапсырмасына сәйкес құрылған халыққа қызмет көрсету орталықтары елiмiздiң түкпiр-түкпiрiнде қызмет көрсетуде. Солардың бiрi - аудандық халыққа қызмет көрсету орталығы. Бұл күнде аталған орталық бұрынғы нөпiр кезектi жойып, халыққа оңтайлы, тиiмдi қызмет көрсетiп, жұмыс жасап келедi.