Үлгілімалшы ауылдық округіне қарасты Мамай ауылында осында туып-өскен Ержан Елубаевты еске алуға арналған волейболдан ашық турнир болып өтті. Турнирге облыс көлемінде Абай, Тарбағатай және жергілікті Көкпекті ауданы спортшылары – барлығы 14 команда қатысты.
Үлгілімалшы волейболы бүгінде мамайлық, қарағандыкөлдік спортшылармен толығып аудан, облыс көлемінде жүлделі орындарға ие болып жүр. Турнир кестесінің бірінші ойынын бастаған турнир иесінің Семей қаласынан келген сыныптас достары мен Тассай ауылының Тассай -1 командасы болды. Семейден келген елуді еңсерген жігіт ағалары Тассайдың жалынды жас-тары тегеуірініне шыдас бере алмай 2:0 есебімен жеңіліс тапты.

Елбасының «Болашаққа бағдар: рухани жаңғыру» мақаласында, қазіргі Қазақстанның бас-ты рухани құндылықтары айқын көрініс тапқан. Бұл – мақала ғана емес, мазмұны терең, ауқымы өте кең, ұлт руханиятын ХХІ ғасыр биігіне көтеретін рухани жаңғыру бағдарламасы деуге болады. Елбасы ғылым, білім, мәдениет пен тарихты тұтастай қамтитын ұлттық рухани жаңғыру бағдарламасын халық назарына ұсынып отыр. «Болашаққа бағдар: рухани жаңғыру» бағдарламасы аясында Қараөткел негізгі мектебінде қазақ поэзиясының хан тәңірі, ақиық ақын Мұқағали Мақатаевтың шығармашылығына арналған «Есіңе мені алғайсың...» атты еске алу кеші өтті.
Кештің мақсаты, қазақ поэзиясының мұзбалағы атанған ақынның өмірі, шығармашылығымен таныстыру, ақынның поэзия құдіреті мен әндерін таныту. Ақын өлеңдері арқылы оқушылардың Отанға, халқына, тілге деген сүйіспеншілік сезімдерін ояту, отаншылдыққа тәрбиелеу болды.

1 наурыз «Алғыс айту» күніне орай Көкпекті аудандық тарихи-өлкетану мұражайында «1 наурыз - Алғыс айту күніне - игі дәстүр» атты шара өткізілді. Аталған шараға Ж.Шайжүнісов атындағы орта мектептің 7 сынып оқушылары және сынып жетекшілері қатысты.
Мұражай қызметкері Клара Смаилова мектеп оқушыларына 1 наурыз Алғыс айту күні туралы мағлұмат беріп, слайд көрсетіп бүгінгі шараның маңызына тоқталды.
- Алғыс айту күні – Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктің негізгі арқауы - еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні.

Тәуелсіз еліміз үшін үшінші жыл қатарынан мереке ретінде тойланып келе жатқан ұлттар мен ұлыстардың татулығы мен бірлігін жаңа деңгейге көтеретін ерекше мереке - Алғыс айту күні. Алғыс айту – ол ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні. Елбасы Жарлығымен «1 наурыз - Алғыс айту күні» болып бекітілгені бәрімізге белгілі. Қазақстан халқы Ассамблеясының құрылған күнімен тұспа-тұс келген мереке қарсаңында ұлттар бірлігі нығая түспек. Қайырымдылық, ризашылық, өзара жәрдемдесу сияқты ең құнды адамгершілік қасиеттер көрініс тапқан, сол бір қиын кезеңдерді еске түсіретін тартымды іс шара Көкпекті ауданында Қ.Алтынбаев атындағы Мәдениет үйінде өтті.