23 маусым күні Көкпекті ауданы Қ. Алтынбаев атындағы мәдениет үйінде Мемлекеттік қызметшілер күніне арналған салтанатты іс-шара өтті.

Мерекелік жиынға ауданның түрлі бөлімдерінде жауапты қызмет атқарып жүрген мамандар, мемлекеттік қызмет ардагерлері, сондай-ақ ауданға қарасты ауылдық округтердің мемлекеттік қызметшілері қатысты. Іс-шара Көкпекті ауданының әкімі Нұрбек Тұрсынқанұлы Қошқарбайев құттықтау сөзімен ашылды. Өз сөзінде аудан басшысы мемлекеттік қызметтің қоғам өміріндегі маңызды рөліне тоқталып, қызметкерлердің ауданның дамуына қосып отырған үлесін ерекше атап өтті.

– Ұлтқа қызмет ету, ел сенімін ақтау – мемлекеттік қызметшілерге жүктелген үлкен жауапкершілік. Бүгінде ауданымызда 136 мемлекеттік қызметкер еңбек етеді. Оның ішінде 98-і жергілікті атқарушы органдарда, ал 38-і орталық және аумақтық мемлекеттік мекемелерде қызмет атқаруда. Олар адал еңбегі мен кәсіби біліктілігінің арқасында ауданымыздың әлеуметтік-экономикалық дамуына елеулі үлес қосып келеді, – деді аудан әкімі.

Мерекелік жиын барысында бірқатар мемлекеттік қызметкерлер еңбектегі жетістіктері үшін марапатталды. Қазақстан Республикасы Мемлекеттік қызмет істері агенттігінің Абай облысы бойынша департаменті басшысының марапатымен Көкпекті аудандық мәслихаты аппаратының басшысы Н. Фахрутидинова мен Көкпекті ауданының жұмыспен қамту және әлеуметтік бағдарламалар бөлімінің бас маманы А. Акижанова наградталды.

Аудан әкімінің Құрмет грамотасымен Т. Кисин, Н. Назарханов, В. Назекеева, А. Анарбекова, Д. Ахмерова және И.Губанова марапатталды.Сонымен қатар аудан әкімінің Алғыс хатымен С. Құрманғалиева, С. Тұрсынғалиева, С. Кюбаева, К. Нұрлан, А. Әділбеков, А. Насибуллина, А. Сембаев және К. Куржанбаев марапатқа ие болды.

Іс-шара жас мемлекеттік қызметшілердің ант қабылдау рәсімімен жалғасты. Салтанатты сәтте аудан әкімі жас мамандарға Қазақстан Республикасының мемлекеттік қызмет туралы заңнамалық жинағын табыстап, жауапты қызметтеріне табыс тіледі.Мерекелік кеш ауданның әр саласында еңбек етіп жүрген мемлекеттік қызметкерлердің қатысуымен ұйымдастырылған әсерлі концерттік бағдарламамен қорытындыланды.

Мемлекеттік қызмет – қоғам тұрақтылығы мен ел дамуының басты тіректерінің бірі. Халықтың сенімін ақтап, ел игілігі жолында аянбай еңбек етіп жүрген барлық мемлекеттік қызметшілерді кәсіби мерекелерімен құттықтаймыз! Ел игілігі жолындағы еңбектеріңіз жемісті, абыройларыңыз асқақ болсын!

Пікір: