Өткен аптада аудандық әкімдіктің мәжіліс залында аудан әкімі Әділет Нұрсағатұлының төрағалығымен Мемлекет Басшысы Қасым-Жомарт Кемелұлы Тоқаевтың 2025 жылғы 8 қыркүйектегі «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауын жүзеге асыруға арналған кеңес өтті.

Кеңеске аудан әкімінің орынбасарлары, бөлім басшылары, ауылдық округ әкімдері, мәслихат депутаттары, жастар және қоғамдық кеңес мүшелері қатысты.
Негізгі бағыттар

Аудан әкімі өз сөзінде Президент Жолдауында көрсетілген тапсырмаларды орындау бағытында Көкпекті ауданында қолға алынатын негізгі міндеттерді атап өтті:
Цифрландыру: жасанды интеллект пен цифрлық шешімдерді енгізу, аудандық деңгейде жол картасын әзірлеу, ауылдық округтерге әдістемелік қолдау көрсету.
Инвестиция тарту: жеке меншік балабақшалар, қонақ үй, фитнес орталығы мен спорт залдарын салуға инвесторларды тарту.
Ауыл шаруашылығы және өңдеу өнеркәсібі: ірі агрохолдингтердің озық тәжірибесін енгізу, пайдаланылмай жатқан жерлерді мемлекет меншігіне қайтару.
Тұрғын үй-коммуналдық шаруашылығы: су инфрақұрылымын жаңғырту және тұрғындарға көрсетілетін қызмет сапасын арттыру.
Көлік және логистика: аудан жолдарының жағдайын жақсарту және көлік желісін дамыту.
Денсаулық сақтау: 6 жаңа медициналық нысанды ашу, қызмет сапасын жасанды интеллект арқылы бақылау.
Туризм: рекреациялық аймақтарды дамыту, жаңа туристік нысандар ашу және инвесторларға қолдау көрсету.
Қоғамдық үн қосу
Кеңес барысында аудан белсенділері жарыссөзге қатысып, Жолдауды жүзеге асыру бойынша өз ұсыныстарын ортаға салды. Олар барша аудан тұрғындарын Президент Жолдауындағы міндеттерді бірлесе атқаруға және Көкпектінің дамуына үлес қосуға шақырды.
Көкпекті ауданы әкімдігінің баспасөз орталығы

Пікір: