Енді өзен жағасына барып, отбасымызбен, достарымызбен емін-еркін шомылып, таза ауада демалуға тамаша мүмкіндік бар!

Ауылдың кіре берісіндегі Көкпекті өзенінің бойында заманауи жағажай демалыс орны ресми түрде ашылды. Ашылу салтанатына аудан әкімі Әділет Нұрсағатұлы қатысып, бұл жобаның тұрғындар үшін маңызын атап өтті. Ең бастысы – бәріміз бұл жерді таза ұстап, бірлесе қамқорлық көрсетуіміз керек!

Жағажай аумағында демалушыларға арналған бар жағдай жасалған:

 *арнайы киім ауыстыру орындары 

 *көлеңкелі демалыс аймақтары 

 *жатып демалуға арналған жайлы жерлер 

 *таза дәретханалар мен жуыну бөлмелері 

 Жағажай күн сайын 11:00-ден 20:00-ге дейін жұмыс істейді. 

 Қауіпсіздік те назардан тыс қалмаған – арнайы құтқарушылар күні бойы кезекшілік атқарады!

 Айта кетейік, мұндай талапқа сай жағажай осыған дейін тек Алакөлде ғана бар еді. Енді осындай демалыс форматы Көкпектінің өзінде де қолжетімді!

Бұл — жай ғана демалыс емес, мәдениетті, қауіпсіз, отбасылық бос уақытты өткізуге арналған жаңа деңгей.

Келіңіздер, көріңіздер, рахаттаныңыздар — бұл бәріміз үшін жасалған! 

Көкпекті – шын мәнінде көркейіп келеді!

Пікір: