Нағыз қыс, қарлы және аязды, сұлулығымен көзді қуантады. Сонымен қатар тазартылмаған, көктайғақ жолдар мен тротуарлар көліктер мен жаяу жүргіншілердің қозғалысына қиындық туғызып, жол-көлік оқиғалары мен жарақаттардың себебіне айналуда.
Көкпекті ауылдық округі аумағында өзінің заңды құқығына енген келісімшарт бойынша қарды күреп, тазалық жұмыстарымен «Амор Фати» қоғамдық ұйымының ұжымы кірісті. Бұл қоғамдық бірлестік 2024 жылдың көктемінде құрылған.

Бұл ұйымның мақсаттарының кең тізбесіне жергілікті маңызы бар жолдарды маусымдық жөндеу және қысқы жөндеу жұмыстары да кіреді. Желтоқсан айының басынан бері жалғасып келе жатқан алғашқы қардың қалың жауып, көлік қозғалысының қиындауында өз техникаларымен жолдарды тазалап, халыққа үлкен көмек көрсетті.
Бұл бағытта Көкпекті, Толағай, Ұзынбұлақ, Шәріптоғай, Ажа ауылдарының көшелерін тазартуға өлшеусіз үлес қосты.
«Амор Фати» қоғамдық ұйымында Ерлан Кеңесұлы Сәрсенбаев, Елдос Бауыржанұлы Увалиев, Серікбол Саниязбекұлы Орымбеков, Олжас Тлеубекұлы Мухамедамиров, Заңғар Бауыржанұлы Серіков және Қуаныш Алтайұлы Елеусізов сынды азаматтар жұмыс жасайды.
Айта кетерлігі, ауылішілік көшелерді тазалау жұмыстары қажетіне қарай жүйелі түрде жүргізілетін болады. Жолдарды жауып тұрған қар мен көктайғақ көліктердің қозғалысына кедергі келтірмеуі және жол-көлік оқиғасын туғызбауы маңызды. Алдағы уақытта қыстың қандай болатынын уақыт көрсетеді. Біз осындай азаматтардың жанқиярлық жұмысы арқылы ауа-райының кез келген «қыңырлығын» жоя алатынына сенімдіміз!

ВИКТОРИЯ ГАРМАШОВА

Пікір: