Аудан тұрғындарын таза ауыз сумен және басқа да тұрмысқа қажетті қызметтермен қамтамасыз ететін, жол және қар тазалаумен айналысатын “Көкпекті” ШЖҚК (Комхоз) мекемесі жаңа техникамен толықты. Заманауи «Погрузчик» тиегіш техникасын сатып алуға қажетті қаражат Әділет Қожанбаевтың тапсырмасымен аудан бюджетінен бөлінген болатын. «LIUGONG CLG8 5 5» маркалы техника аудан тұрғындарының игілігіне қызмет ететін болады.

Жаңадан алынған «Погрузчик» тиегішінің техникалық мүмкіндіктері өте жоғары. Алдағы уақытта бұл жаңа техниканың нәтижесін көреміз деген үміттеміз. Кәсіпорын иелігіндегі ескірген көліктермен салыстырғанда бұл техника көп салалы. Қолға алған шаруаны сапалы әрі уақытылы орындауға мүмкіндік береді. Алдағы уақытта аталған мекеменің материалдық-техникалық жабдықталуын жақсарту бойынша бірқатар жоспарлар бар.
Коммуналды шаруашылық аудан тұрғындарын тұрмыстық маңызды қызметтермен қамтамасыз етумен айналысқандықтан бұл мекеменің жұмысын дұрыс жолға қою бойынша кешенді жұмыстар қолға алынуда.

“Көкпекті” ШЖҚК мекемесі

Пікір: