26-27 қарашада Балалар жылына орай таэквондо ITF бойынша 8-9 және 10-11 жас аралығындағы ұлдар мен қыздар арасында Семей қаласының ашық біріншілігі өтті. Бұл жарыстарда жаттықтырушы Бақыт Ғазизұлы Рахимовтың шәкірттері сәтті өнер көрсетті.

Жас және салмақ дәрежелері бойынша Искакова Малика, Рахматулин Даниэль, Алтынбеков Арнұр, Ордаканова Даяна, Ермеков Ералы жеңімпаз атанды. Тойкин Нұрали, Дәулетхан Нұртас, Виничук Владислав және Панов Демьян өз қоржындарын күміс медальмен толықтырды. Жеңіс тұғырының үшінші сатысына Сарманов Қайсар, Әділбеков Арнұр, Тарабурка Ксения, Ордаканов Мансұр, Жанұзаков Нұрәли көтерілді. Осылайша, спортшылар жарыста әртүрлі номинациядағы 14 медальді жеңіп алды.
Бақыт Ғазизұлы және оның шәкірттері «Бос уақыт орталығы» КМҚК директоры Нұрлан Тоянкеновке, кәсіпкер Юрий Виничук пен жүргізуші Руслан Қожахметовке, сондай-ақ барлық ата-аналар комитетіне қолайсыз ауа-райы жағдайында сапарды ұйымдастыруға көмектескені үшін, сондай-ақ таэквондо секцияларына көрсеткен тұрақты қолдауы мен көмегі үшін бүкіл ата-аналар комитетіне шын жүректен алғыстарын білдіреді.
Жас спортшыларымызды тағы бір жетістігімен шын жүректен құттықтап, жаңа спорттық тұғырлар тілейміз!

Пікір: