Ынтымақ пен ырыстың, татулық пен бірліктің мерекесі Көкпекті аудандық тарихи өлкетану мұражайында аталып өтілді. Жыл сайын атаулы мерекеде Қазақстан аумағында тұрып жатқан ұлт пен ұлыс өкілдері Қазақстан деген киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын шаттана тойлайды.
Айтулы мерекеге орай, тарихи өлкетану мұражайы мен Шәріптоғай негізгі мектебі бірлесіп «Татулықтың бесігі боп, бәрінен де асқанбыз» атты сазды композияциясын ұсынды. Елді береке-бірлікке, ынтымақ пен татулыққа шақыратын іс-шараға Шәріптоғай мектебінің шәкірттері қатысты.

«Береке бастауы – бірлік, ел іші - тату тірлік» дегендей ынтымағы ырысқа, бірлігі берекеге ұласқан еліміз үшін бұл мерекенің қашанда маңызы зор, мәні биік.
Аталмыш шарада тарихи-өлкетану мұражай қорын сақтаушысы Клара Смаилова қонақтарды шуақты мерекемен құттықтады.
Қазақстан халқының бірлігі күніне арналған сазды композияцияда 11 ұлт пен ұлыс ән айтып, би билеп, жалпыхалықтық мейрамда дәстүр мен салтқа толы түрлі көріністер көрсетті.
Қазақстан халқының бірлігі күніне арналған шара Шәріптоғай мектебі өнерпаздарының естелікке суретке түсуімен жалғасты.
Бұл күн - әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі. Халық бірлігі мерекесі күні ел азаматтары ұлт пен ұлыстың өткен кезеңдегі тарихы мен оның сабақтарын дәріптеп, әлемдік қауымдастық тарапынан жоғары бағаланған қазақстандық татулық пен келісімді паш етеді.

Пікір: