Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасын және "Туберкулез кезінде медициналық көмек көрсетуді ұйымдастыру жөніндегі Нұсқаулық" 25.12.2017 ж. №994 бұйрығын жүзеге асыру мақсатында 12 наурызда «Туберкулез ауруына қарсы күреске өз үлесіңді қос» тақырыбында дөңгелек үстел өтті.
Іс-шараға Көкпекті ауданының ОАА СӨСҚ дәрігері О.Дериглазова, Көкпекті аудандық фтизиатр А.Алдажұманова, жалпы тәжірибедегі дәрігер А.Қалиева, Көкпекті аудандық ТҚҚБ бастығының орынбасары Е.Хамитов, ШҚО бойынша ҚАЖД Көкпекті ауданының №1 пробация қызметінің инспекторы Б.Аманжолов, аудандық ардагерлер кеңесінің төрағасы С.Н.Мұқашев, Көкпекті ауылдық округі әкімдігінің жетекші маманы А.Деринг, Көкпекті ПБ кәмелетке толмағандар ісі жөніндегі инспекторы, полиция майоры Н.Кұсаинова қатысты. Көкпекті ауданы бойынша РММ басшысы Гүлмира Қабышқызы қатысушыларды ШҚО және Көкпекті ауданы бойынша соңғы бірнеше жыл ішіндегі туберкулез аурушаңдығы бойынша эпидемиологиялық жағдаймен таныстырды. Оның айтуынша, 2015-2019 жылдар аралығында аудан бойынша толқын тәрізді динамика байқалды. 2015 жылы туберкулездің 17 жағдайы тіркелді, 2016 жылы - 17, 2017 жылы - 13, 2018 жылы - 15, 2019 жылы - 11 жағдай. Туберкулезден өлім-жітім 2014 жылдан бастап төмендеуде. Соңғы екі жылда осы аурудан қайтыс болғандар жоқ.

Біздің ауданда ТБС қарсы күрес бойынша кешенді жоспар іс-шараларының орындалуы туралы А.Алдажұманова баяндады. Сонымен қатар, туберкулезді анықтаудың басым әдісі - флюорографиялық тексеру және жұмыс берушілердің, жұмысшылар мен дәрігерлердің халықтың профилактикалық тексерулеріндегі ортақ жауапкершілігі талқыланды. Көкпекті ауданына келген еңбек мигранттарының флюорографиядан уақытылы өту маңыздылығы атап өтілді.
Дүниежүзілік туберкулезге қарсы күн мен арнайы іс-шаралардың маңызды міндеті - барлық тұрғындарды бірлесіп күресуге шақыру болып табылады. Бұл мәселе дерексіз емес және кез келген адамға қатысты болуы мүмкін, сондықтан акцияның табыстылығы әрбір адамның жеке позициясына байланысты. Әрбір адам өз өмір салтынан бастап, жыл сайын флюорографиялық тексеруден өтіп, жеке қорғану жөнінде ғана емес, өз балалары мен жақындарын қорғауға тырысу қажет. Ең маңыздысы аурудың алғашқы белгілері кезінде, қауіпті аурудың одан әрі таралуына жол бермеу үшін дереу медицина саласының мамандарынан көмек сұрау керек.

Виктория ГАРМАШОВА 

Пікір: