27 желтоқсан күні аудан әкімдігінің ғимаратында «Ашық әкімдік» фронт-кеңсесінің ашылуы өтті. 

Мұнда аудан тұрғындары өз ұсыныстарымен, сұрақтарымен және шағымдарымен жүгіне алады. Осындай жұмыс форматы Шығыс Қазақстан облысы әкімдігінің бастамасымен «Шығыс – адалдық алаңы» жобасы аясында жеделдікті, жұмыстың ашықтығын арттыру және сыбайлас жемқорлық тәуекелдерін төмендету үшін енгізілді.

«Ашық әкімдік» фронт-офисінде жұмыспен қамту, әлеуметтік бағдарламалар және АХАТ бөлімінің, жер қатынастары бөлімінің, білім бөлімінің, ТҮКШ, жолаушылар көлігі және автомобиль жолдары бөлімінің, ауыл шаруашылығы бөлімінің мамандары жұмыс істейді. Олар азаматтарға кеңес беріп, осы бөлімдер көрсететін қызметтер бойынша құжаттар қабылдайтын болады.
Офиске жүгінген аудан тұрғындары бір терезе қағидаты бойынша барынша жайлы жағдайда қызмет алады. Бұдан басқа, фронт-офис қызметкерлері аудандағы өмір сүруді жақсартуға бағытталған тұрғындардың ұсыныстарын жинап, талдайтын болады.
Аудан тұрғындары мамандарға Шериаздан көшесі, 44 а, аудан әкімдігінің ғимараты, 1 қабат мекен-жайы бойынша хабарласа алады.

Пікір: