Өскемен қаласында «Цифрлық Шығыс – 2019» ІТ форумы өтті. Биылғы Жастар жылына орай, «Рухани жаңғыру» және «Цифрлық Қазақстан» мемлекеттік бағдарламаларын жүзеге асыру мақсатында ұйымдастырылған форум аясында облыста тұңғыш рет өткен Хакатон да мәресіне жетті. Форумға облыс әкімі Даниял Ахметов және аудан әкімі Асхат Сайдахметұлы да қатысты. 

Жас програмистер екі күн бойы әлеуметтік маңызы бар вэб-қосымшалар жобасын жасап, қазылар алқасының алдында қорғап шықты. Аталмыш форумға біздің ауданнан Ж. Болғанбаев атындағы Самар орта мектеп-лицейінің 9 сынып оқушылары Әлімжан Әшімов пен Мирас Сүлейменов бақтарын сынады. Оларға жетекшілік еткен пән ұстаздары Д.Мергенчинов. Б.Кәрібаев болды. Форумда Әлімжан Әшімов ұстаздарының, мектептің, ата-аналарының үмітін ақтап облыс әкімінің 368150 теңгенің сертификатына ие болды.

Форумға Әлімжан «Автоматандырылған басқару жүйесі» жобасын апарды. Ауданның білім саласына ерекше үлес қосқан Әлімжанды жеңісімен құтықтаймыз!
Жания Қабдылқанқызы және Борис Әшімұлы Майлюбаевтар, Әлімжанның ата-анасы:
- Біз ұлымызды мақтан тұтамыз! Ол облыстық байқауда өз білімі мен дағдыларын лайықты көрсетті.
Балаларға мықты және терең білім беретін, сондай-ақ өз қамқорлығындағылардың әлеуетін ашатын оқытушылар ұжымына шын жүректен алғысымызды білдіреміз. Сондай-ақ, Самар ауылындағы қарттар үйінің директоры Бауыржан Қалымжанұлы Дюсуповке және "Отан" қоғамдық бірлестігінің бастығы Рашид Садықұлы Әлибаевқа облыстық форумға қатысуға демеушілік көрсеткендері үшін алғыс білдіреміз.

Клара ҚАЙЫПЖАНҚЫЗЫ 

Пікір: