Шахмат – нағыз ақыл-ой спорты. Шахмат ойыны еліміздегі жетекші спорт түрлерінің біріне айналып келеді. Ақыл-ойдың гимнастикасы саналатын шахматтың отаны – Үндістан. Ежелгі Үндістан жерінде пайда болған бұл ойын біртіндеп Парсы, Араб, Еуропа және Азия елдеріне кеңінен тараған. Соңғы жылдары біздің елімізде де ерекше қарқынмен даму үстінде.

Ағымдағы жылдың 25 қазан күні Көкпекті ауылындағы Ж.Шайжүнісов атындағы орта мектепте орналасқан шахмат сыныбында шахматтаттан ардагерлер арасында аудандық жарыс өтті. Жарыстың өтуіне мұрындық болған аудандық ардагерлер кеңесі.

«Білекті бірді жығар, білімді мыңды жығар» дегендей шахмат ойыны білімділікті қажет етеді. Шахмат тақтасында жан алып жан берісер ойындар болды.
Бастапқы төрт қарсыласын айқын жеңген үлкенбөкендікТ.Байдаулетов жеңіс менде деп ойлады, бірақ А.Лекеров оған келіспейтінін көрсетіп көшбасшыны сүріндірді. Өз кезегінде Көкпектілік Құмар Қанапиянов Алдаберген Лекеревтен басым болды. Турнир қарқыны шиленісе түсті.
Жүлделі орынға таласуға Қайырханов та кет əрі еместігін көрсетті. Сонымен шиеліскен турнирде Тұрарбек Байдаулетов І орынды, Тілеухан Қайырханов ІІ орын. Ал жүлделі ІІІ орынды Қ.Қанапьянов мен А.Лекерев бөлісті. Ауданымыздың бетке ұстар мықты шахматшылары Әнарбек Ахатов, А.Тоқтасынов жарыс көрігін қыздырды. Жарысты қортындылай келе аудандық ардагерлер кеңесінің төрағасы С.Мұқашев барлық спортшы ардагерлерге өз ыстық ықыласын білдіріп жүлделерін табыстады.

Н Назарханов, Үлкенбөкен ауылдық округінің әкімі

Пікір: