Көшеде күн суып, ағаштардан жапырақтар түсіп, қоршаған орта сары түске боялады. Қытымыр қыс күндері де алыс емес, сондықтан «қыстың қамын жаз ойла» демекші ертерек қамдануымыз қажет.
Мал өсірушілер осы кезеңде жануарларды азықпен қамтамасыз ету жұмыстарымен айналысады, бақша өсіретін тұрғындар әр түрлі көкөністерді тұздайды. Осындай қысқа дайындық кезінде ауыл шаруашылығы жәрмеңкесінің маңызы зор.

21 қыркүйек күні "Патхан" базарында кезекті жәрмеңке ұйымдастырылды. Сауда іс-шарасына Көкпекті, Үлкенбөкен, Теректі, Үлгілімалшы, Тассай, Көкжайық, Биғаш, Шұғылбай және Қойгелді Аухадиев атындағы ауылдық округтерінің өкілдері қатысты.
Таңертеңнен бастап мұнда адамдар көп жиналды, жергілікті тұрғындар қажетті азық-түліктерді іздеуде бір сөреден екінші сөреге ауысып, қызу саудаға көшті. Ауыл шаруашылығы өнімдері үлкен сұранысқа ие болды. Кейбір тауарлар (мысалы, жұмыртқа және ет) ыстық бәліште сатылды.
Ауыл шаруашылығы бөлімінің берген ақпараты бойынша, өткізілген ірі қара мал етінің жалпы саны 360 кг, жылқы 160 кг, қой 250 кг, балық 300 кг, бал 60 кг, картоп 300 кг, қырыққабат 100 кг, сәбіз 50 кг, сары май 90 кг, 900 жұмыртқа, тұз 40 л, қаймақ 54 л, талқан 46 кг, құрт және сүзбе 54 кг құрады. Тұрғындар "Алтай балы" ЖК өнімдерінің осы жәрмеңкеге арнайы ұйымдастырған акциясының аясында бал бағасының 700 теңгеден ұсынылғанына куә болды.
Дәстүр бойынша келушілерге ыстық шай, ұлттық тағамдар қойылған дастархан жайылды. Дастарханға "Шуақты Шұғыла" балабақшасының ұжымы жауап берді.

Пікір: