Өзі туған топырақты қастерлеу – қазақ халқының ежелден жалғасқан салты, ұлағатты өнегесі. «Туған жердей жер болмас, туған елдей ел болмас» деп бекер айтпаған дана халқымыз. Берік қағиданы ұстанған әр адам  атамекен – алтын бесік ауылын әрқашан естен шығармай, оған өзін мәңгілік перзенттік қарыздармын деп есептейтіні ақиқат. Елбасының «Рухани Жаңғыру» бағдарламасы – дәл осы туған жерге тағзым етуден басталады деген сенімдемін.

Бүгінде киелі Көкпекті топырағынан түлеп ұшқан белгілі азаматтар әр салада еңбек етіп, кемел табысқа жеткен танымал жандарға айналған. Толағай баурайындағы қалың ел оларға қашан да тілекші. Көкпектіліктер жырақтағы жерлестерінің жетістіктерін әрдайым мақтан етіп отырады. Тәуелсіз еліміздің мәртебесін арттыруға бағытталған тағзым шараларына ауданымыздан шаққан ірі кәсіпкерлер, танымал ғалымдар, мәдениет пен спорт саласының өкілдері атсалысып келеді. Елжанды жерлестеріміз өзі туған ауылының, кіндік қаны тамған жерінің түрлі мәселелерін шешуге үлес қосып жатыр. Мұның барлығы қоғамды жасампаздыққа жұмылдыратын, елдігімізді нығайтатын игі істер.

Жамбаева Жанар Әбенсерікқызы

Филология ғылымдарының докторы,

Л.Н. Гумилев атындағы ЕҰУ

теориялық және қолданбалы лингвистика кафедрасының доценті

Пікір: