Өтер жылдар, артып тағы алыстап,
Тағдыр талай тауқыметін табыстар.
Өздеріңді жырлап өтер ұрпағың,
Ауғандағы азап шеккен арыс-тар, – деп ақын жырлағандай, өмір тоқтамайды, ерлік өлмейді, замандарға жалғаса береді. Бұған дәлел бүгінгі ортамызда жүрген ауғандық жауынгерлеріміз.
Үлкенбөкен ауылында Кеңес әскерлерінің Ауған жерінен шығарылғанына 29 жыл толуына байланысты ауқымды іс-шара өткізілді. Аталмыш шараның құрметті қонағы Ауған соғысының ардагері Б.Бәкібаев болды.

Шара барысында құттықтау сөз алған округ әкімі Н.Назарханов және мектеп директоры А.Егеубаева бүгінгі атаулы күнмен құттықтап, жылы лебіздерін білдірді.
Сонымен қатар, әскери патриоттық клубтың жетекшісі Қ.Мағзұмовтың оқушылары да жиынға қатысты. Іс-шара еліміздің Әнұранымен басталып, Ауған соғысында әскери борышына адалдық пен ерліктің үлгісін көрсетіп, көз жұмған жерлес батырларымызды үнсіздікпен еске алды. Мектеп оқушылары «Кабул» атты саханалық көрініс көрсетті. Ауған соғысының ардагері өзінің басынан кешкен оқиғаларын айтып, оқушылардың сұрақтарына жауап берді. Бұлар тарихта қанды ізі, жүректе жазылмас жарасы қалған жылдар мен күндері кездесу оқушылар үшін үлкен тәрбиелік мәні зор мағыналы мәңгілікке есте қалатыны анық. Сіздерді Ауғанстан жерінен Кеңес әскерінің шығарылуына 29 жыл толған атаулы күнмен құттықтаймыз. Аспанымыз ашық болсын, бейбіт өмір жасай берсін!

Ж.Оспанова, Үлкенбөкен ауылдық
округінің кітапханашысы

Пікір: