Облыстық мәслихаттың депутаты Александр Нарожнев «Нұр Отан» партиясы аудандық филиалында қорғамдық қабылдау өткiздi. Көкпекті ауданы бойынша облыстық мәслихат депутатының қабылдауына аудандық мәслихат хатшысы Талғат Сарманов, №1 сайлау учаскесінің депутаты Д.Дюсембаев, дербес бөлім басшылары мен ауыл тұрғындары қатысты.

Жеке мәселелер бойынша қабылдау жүргізу - адамдарды қандай мәселелер толғандырады, қоғамдық жұмысты қандай бағытта жүргізу керек және бұл ретте көптеген сұрақтардан шешімін кейінге қалдыруға болмайтын ең маңызды басымдықтарды бөліп алып қарау керектігін білу үшін депутаттарға қолайлы мүмкіндік. Өз сайлаушыларының мүддесіне өкілдік ететін кез-келген халық қалаулысының міндеті осындай. Негізінде - ол оның әр күнгі әрекеттерінің нақты бағдарламасы.
«Нұр Отан» партиясы Көкпекті аудандық филиалының қоғамдық қабылдауында депу-таттардың сайлаушылармен кездесу жүргізуі игі дәстүрге айналды. Соңғы уақытта кездесулер жоғарғы деңгейде ұйымдастырылуда. Ол үнемі адамдарды толғандырған түйінді мәселелер жөнінде бейжай қарамайтын келелі кеңестерге ұласуда.
Бұл күні көтерілген басты мәселелер қоғамды толғандырған сұрақтар төңірегінде өрбіді. Елбасы Нұрсұлтан Назарбаевтың үндеуінде айтылған Конституциялық өзгерістер қалай жүзеге асырылады, онда қандай ерекшеліктер бар деген сұрақтар көптің көңілінде жүрген. Облыстық мәслихат депутаты осы тақырыптағы сұрақтарға түсініктеме бере келе, халықтың мемлекеттік маңызды мәселеге бейжай қарамайтынына ризашылығын білдірді. Сонымен бірге, аудан орталығына дене шынықтыру, сауықтыру кешенін салу, қаңғыбас иттермен күрес, көшелердің жарықтандырылуы сынды сұрақтар көтерілді.
Тұрғындардың талап-тiлектерiн қағазға тү-сiрiп алған Александр Николаевич қозғалған мәселелердiң оң шешiмiн табуы үшiн жұмыс жүргiзетiнiн айтып өттi. Тұрғындар тарапынан айтылған өтiнiштердiң орындалуы қадағаланып отыратын болмақ.

Дархан БЕРДІБЕК

Пікір: