Қазақстан Республикасының егемендік алып, тәуелсіздікке қол жеткізуінің нәти-жесінде қоғам алдына өскелең ұрпақты отан-сүйгіштікке тәрбиелеу міндеті қойылды. Ел тәуелсіздігінің 25 жылдығы мерекесіне орай, аудан әкімі Рамиль Сағандықовтың бас-тамасымен өткен аудандық семинардың күн тәртібіндегі басты тақырып дәл осы жас ұрпақ бойына патриоттықтың дәнін егу жайында болды.
Ұйымдастырушылары Көкпекті аудандық ардагерлер ұйымы және Қ.Аухадиев атындағы ауылдық округтің бастауыш ардагерлер ұйымы болып табылатын семинар Преображенка ауы-лындағы «Еске алу орталығында» өтті. Аталмыш жиынға аудан көлеміндегі білім ордаларынан тәрбие ісінің меңгерушілері, бастауыш ардагерлер ұйымдарының төрағалары, ауылдық округтердің әкімдері, бөлім басшылары мен округтердегі жастар ісі бойынша мамандар қатысты. Жалпы отансүйгіштік сезімі бала бойына ең алғаш балабақшадан, жаңадан тілі шыға бастағандағы «отбасы», «Отан», «ұлттық бірлік», «Тұңғыш Президенттің рөлі» ұғымдарын меңгеруден басталатыны белгілі.
Келесі кезекте бала мектеп табалдырығын аттаған сәттен бастап, дүниетанымы кеңейеді. Әрі қарай кезең-кезеңімен қазақ тілі мен әдебиеті, қазақстан тарихы пәндерін оқып-үйрене келе азаматтық санасы қалыптасады. Осыған орай, семинардың жұмысы мектеп кітап-ханашысы Г.Новикованың қонақтардың назарына кітапханадағы қазақстандық патриотизм мен республика тәуелсіздігіне арналған тақырыптық кітап көрмесін ұсынудан басталды.

Негізінде әрбір азаматтың саяси көзқарасының қалыптасуының басты тетігі оның шығармашылық жасампаздық еңбегінде, қоғам дамуының саяси бағытын іс жүзіне асыруда және еркін саяси диалогта. Осының барлығы оқушылар өз бойында Қазақстан және қазақстандықтардың алға қойған мақсаттары мен идеалдарын нақтылап алуына орай біртіндеп жүзеге асады. Яғни, еліміздің тактикалық және стратегиялық даму бағыттарын түсіну арқылы. Отанымыздың тарихы, жеке тұл-ғалар, оқиғалар қазіргі мектеп оқушыларына өмірлік үлгі бола алады және оларды мақтаныш сезіміне бөлейді. Семинар қатысушыларының мектеп жанындағы екі мұражайды аралап көруінің өзі халқымыздың тұрмыс-салты мен мәдениетінің түп-тамырын өз көзімен көруге жағдай туғызып, жүзбе-жүз кездестірді десе болады. Ол жерде қонақтар еліміздің тарихымен, оның ұлттық құндылықтарымен толық танысуға мүмкіндік алды.
Қазақстан – өте жас мемлекет. Бұлай дейтін себебіміз, тәуелсіздігімізге 25 жыл толуында ғана емес. Қазақстан тұрғындарының жартысынан көпшілігі әлі отыздан аспағандар екендігінде.
Мектептің АӘД пәні мұғалімінің жетекшілігімен дайындалған әскери-спорттық клуб мүшелерінің көрсетілімі семинар қонақтарын бей-жай қал-тырмағаны рас. Осылайша Преображенка мек-тебінің шәкірттері өздерінің әскери даярлығы мен еліне қызмет етуге дайын екендігін көрсете білді. Семинар барысында қонақтарды клуб меңгерушісі А.Хұмырбектің жетекшілігімен ауылдың мәдениет үйінде өткен керемет концерт күтіп тұрды. Бұл жерде «Өрнек» балабақшасының жас талант-тарының, сондай-ақ, мектеп ұстаздары мен оқушыларының өнерін ерекше атап өткен жөн. Концертте орындалған әндер мен қойылымдар, тақпақтар Отанға деген сүйіспеншілік пен патриотизм тақырыбына арналды.
Семинар қорытындысында округтің ардагерлер ұйымының төрайымы Т.Шнайдер «Еске алу орталығының» жұмысы туралы, бастауыш ұйымның атқарған істері жөнінде және жас ұрпақ-ты бұдан әрі патриоттық рухта тәрбиелеу бойынша ұсыныстарымен бөлісті. Тәрбиелік маңызы зор шарадан мол тәлім алған қонақтар ризалығын жасырмай, тағы да осындай тағлымды жиындар болып тұрса деген ой білдірді.
Патриотизм біздің санамызда, жүрегімізде бала кезден бастау алады және бүкіл саналы ғұмырымызға арқау болып, туған мемлекетіміздің дамуына қосатын үлесімізді айқындайды.
Бұл бүгінгі таңдағы ғаламданған әлемде Қазақстанның бәсекеге қабілеттілігінің алғышарты және елдің өміршеңдігінің тірегі, қоғамдық және мемлекеттік дамудың рухани іргетасы болып табылатын адамгершілік қасеттердің ең бастысы және бірегейі. Сондықтан, еліміздің болашағы ұрпағымызды қалай тәрбиелейтінімізге тікелей байланысты болмақ.

Екатерина СКУДАРНОВА

Пікір: