Ағымдағы жылдың 1 тамызында Көкпекті ауданының әкімі Рамиль Нығметжанұлы Сағандықов мекеме басшылары және аудандық әкім аппара-тының жауапты қыз-меткерлерінің қаты-суымен, азаматтарды қабылдау жүргізді.
Естеріңізге сала ке-тейік, бекітілген кесте бойынша, әр айдың бірінші дүйсенбі күні Көк-пекті ауылында және сәрсенбі күндері Самар ауылында аудан әкімі жеке сұрақтар бойынша қабылдау өткізеді. Онда аудан тұрғындары әкіммен өздерін мазалаған мәселелер жөнінде ой бөлісіп, тиісті орындардан жауап ала алады.

Аталған қабылдау кезінде аудан тұрғындары жеке мәселелеріне қатысты өздерін мазалаған сұрақтарын ортаға салды. Мәселен, Көкпекті ауылының тұрғыны Жұмақан Камиләш, баласын жұмысқа орналастыру мәселесімен келіпті. Баласының тек қана Көкпекті ауылында еңбек еткенін қалаған зейнеткердің мәселісін шешу үшін білім және дене шынықтыру спорт бөлімінің басшысы Ш.Мұстафиноваға тапсырма берілді. Сонымен қатар, ол тұрып жатқан үйлерінің қазіргі жағдайы нашар екенін айтып, әкімшілік тарапынан көмек сұрады. Өкінішке орай, жеке үйлердің жөндеу жұмыстарын жүргізуге заң жүзінде әкімшілік тарапынан ешқандай көмек қарастырылмағанын тілге тиек еткен Рамиль Нығметжанұлы Көкпекті ауылдық округ әкімі Қ.Мұқашевқа бұл мәселені бақылауға алуды тапсырды.
Ал, Үлкенбөкен ауылынан келген жас маман Тимур Тоқтасынов жұмысқа орналасуға жәрдем беруді сұрады. Бұл мәселе бойынша аудан әкімі тиісті сала басшыларына тапсырма беріп, бар мүмкіндіктің қарастырылатындығын айтты. Қарағандыкөл ауылынан келген Айгүл Қажикенова осы ауылдағы бұрынғы ескі мәдениет үйінің ғимаратын алуды өтініп келсе, Көкпекті ауылының тұрғындары В.Сүлейменова, З.Боранбаеваның мәселелері тұрғын үй алу, сату мәселесі төңірегінде болды. Әрбір өтінішке назар аударған аудан әкімі қажетті түсініктер берумен қатар, құзырлы орындарға нақты тапсырмалар жүктеді.
Сонымен қатар, аудан әкімі қабылдауында Құмар Раев атындағы балалар үйінің жабылу себебінен жұмыссыз қалған ауыл тұрғындарын қабылдады. Қабылдауға келген жұмыссыздарды байыппен тыңдап және көтерілген мәселелерді жан-жақты тексеріп, тиісті жауабын беретінін айтты. Рамил Нығметжанұлы аудан тұрғындары тарапынан қойылған сұрақтардың шешімін жан-жақты қарап, кейбір мәселелерді әкім аппаратының жауапты қызметкерлері мен аудандағы мекеме басшыларының құзырына белгіленген уақыт мерзімінде орындауды тапсырды.
Бұл қабылдау тұрғындармен қарым-қатынас құралына айналды. Тұрғындар аудан басшысына өздерін толғандырған маңызды жайттарымен келіп, аудан әкімінен түсіністік пен қолдау табатындарына сенім білдіруде.

Клара ҚАЙЫПЖАНҚЫЗЫ

Пікір: