2015-2016 оқу жылында Самар ауылындағы Ж.Болғанбаев орта мектептің оқушылары қазақ тілі мен әдебиеті пәні бойынша біршама жетістіктерге жетті.
10 сынып оқушысы Балдырған Қалитова аудандық олимпиадалардың жүлдегері. 2015-2016 оқу жылында ол жалпы білім беретін пәндер бойынша Республикалық олимпиаданың облыстық кезеңінің - ІІІ орын жүлдегері атанды, 5 ақпанда «Дарын» орталығының шақыртуымен Астана қаласында Қазақстан Республикасының Тұңғыш Президенті – Елбасының кітапханасында өткен «Әлемді өзгертетін идеялар» атты семинар-тренинке қатысып, «Елбасының бес институционалдық реформасы» тақырыбы бойынша оқу курсын өткеріп келді.

ШҚМУ ұйым-дастырған «Өзіңсің поэзия пайғамбары!» атты М.Мақатаевтың 85 жылдығына арналған аймақтық жас ақындар мүшайрасының І орын иегері
Сондай-ақ 10 сынып оқушысы Жансая Қадылова ШҚМУ ұйымдастырған «Өзіңсің поэзия пайғамбары!» атты М.Мақатаевтың 85 жылдығына арналған аймақтық жас ақындар мүшайрасының І орын иегері болды. Ректор Ә.Ө.Қуандықовтың ұйғаруымен «Таңғы шық» атты өлеңдер жина-ғына Жансаяның өлеңдері жарияланды. Өскемен қаласында өткен Қ.Бітібаева атындағы қазақ тілі мен әдебиеті пәнінен Республикалық олим-пиаданың облыстық кезеңінен І орын иегері атанды. Қ.Бітібаева атындағы қазақ тілі мен әдебиеті пәнінен Республикалық олимпиадаға қатысты.
2015-2016 оқу жылында Астана қаласында Көкпекті ауданы Құлынжон ауылының тумасы, жерлесіміз «BI Croup»- холдинг компаниясының Бас директоры Айдын Рахимбаевтың ұйым-дастыруымен «Аstana.book» сайтында өткен «Оқымысты адам - табысты адам» атты жобасына қатысты.
Аталмыш жобаға Самар ауылындағы Ж.Болғанбаев атындағы орта мектебінің 14 оқушысы қатысып, соның 12-сі финалға өтті. Соның ішінде менің 8 оқушым қазақ тілінде эссе жазып, І, ІІ, ІІІ жүлделі орындарға ие болып, бағалы сыйлықтармен, ноутбук, планшет, электронды оқулықтармен марапатталды. Еркебұлан Қамбаров -«Ең үздік», Аяулым Зейнуллинова –«Ең сауатты», Теміржан Тоқтасынов – «Ең шебер» жазылған эссе аталымдарын қанжығалады.
Б.Карменова,
Ж.Болғанбаев атындағы орта мектептің
қазақ тілі мен әдебиеті пәнінің мұғалімі

Пікір: