Жақында Қазақстан Республикасы Тәуел-сіздігінің 25 жылдығы аясында аудандық мәдениет үйінде аудандық «Жайдарман 2016» лигасының финалдық ойындары өтті. Финалдық ойынға ойынға Биғаш, Тассай, Ажа, Преображенка, Теректі ауылынан 5 команда қатысып, бақ сынасты. Жайдарманға келген командалар әзілдерін ә дегеннен-ақ көңілді биімен бастады. Сонымен қатар, ауылдың тыныс-тіршілігі мен мектептегі жағдайларды әзілдеріне арқау етіп, көптің көңілін баурап алды.

«Тек қана жігіттер», «Дарынды жастар», «Тассай құрамасы», Ажа, Биғаш, «Есте сақта» сынды ауыл-аймақтардан келген құрамалардың әзілін қазылар алқасы бағалап отырды.
Сонымен, аудан-ауылдардан келген 6 құрама қатысқан сайыс мәресіне жетті. Бірінші орынды Қ.Аухадиев атындағы ауылдық округттен келген «Тек қана жігіт-тер» құрамасы жеңіп алса, ІІ ор-ын теректілік таланттар - «Дарынды жастар» құрамасының еншісінде. Ал жүлделі үшінші орыннан Тассай ауылынан келген жас өнерпаздардың «Тассай құрамасы» құрамасы көрінді. Жайдарманға қатысқан ең жас Ажа, Биғаш және Тассайдың «Ес-те сақта» командалары алғыс хатқа ие болды. Сондай-ақ, жас әзілкештердің әзілін бұлардан бөлек көрермен де таразылайды. Залдағы көрермен күлкі сыйлаған «жайдарманшыларға» дән риза.

Клара ҚАЙЫПЖАНҚЫЗЫ

Пікір: