Екінші дүниежүзілік соғыста ерлік пен өрліктің хас үлгісін көрсеткен майдангерлерді мадақтау, олардың алдында бас иіп құрметтеу – бүгінгі ұрпақтың бұлжымас парызына айналуы тиіс. Жыл өткен сайын сол бір сұрапыл соғыстың куәгерлері– қаһармандардың қатары сиреп барады. Сондықтан да ардагерлерді ардақтап төрімізге шығарып, әл-пештеуіміз керек.
Қазақстан Республикасының Тәуел-сіздігінің 25 жылдық мерейтойында «Са-мұрық-Қазына» ҰӘҚ Ұлы Отан соғысы ардагерлеріне қолдау жасап, қаржылай көмек берген болатын. Аталмыш сый-құрметке біздің ауданымыздың 12 соғыс және тыл ардагерлері ие болды. Осындай құрметке ие болған Сарыбел ауылында тұратын ардагер Павел Яковлевич Балахонов өзінің жүрекжарды лебізін білдірді:

- Еліміздің Президенті Нұрсұлтан Назарбаевқа жасы ұлғайған ардагер-лердің алғысы шексіз. Бұл қам-қорлықты бір ауыз сөзбен айтып жеткізу оңай емес. Өйткені, өмір ағысы жылдам, жас өсіп, жасамыстың қартаюы заматта. Қартайған адамдар бала сияқты ғой, жылы шырайлы құрметтен төбеміз көкке жеткендей боламыз. Өз басым қарттарға қамқорлық жасайтын әлеуметтік қызметкерлердің жұмысын қоғамдық мән-маңызы зор іс деп білемін.
Қашанда ардагерін ардақтап, қа-риясын құрметтеген халықпыз. Елбасы әрқашан да Ұлы Отан соғысының және тыл ардагерлерін ұлықтауды ұлы дәстүрге айналдырып, ұрпаққа үлгі етіп келеді. Ардагерлерін ардақтай білген елдің рухы үстем, мәртебесі биік. Сіздерге қамқорлық жасау біздің басты парызымыз. Біз тек мереке күндері ғана емес, әрдайым қарияларымыздың әл-ауқаты мен тұрмыс-тіршілігіне назар аударып отыруға тиістіміз.

Клара ҚАЙЫПЖАНҚЫЗЫ

Пікір: