09 Желтоқсан 2019
МҰРАЖАЙДАҒЫ ТҰҢҒЫШ ПРЕЗИДЕНТ КҮНІ
- Article Details
28 қараша күні аудандық Тарихи-өлкетану мұражайында Қазақстан Республикасының Тұңғыш Президенті күніне арналған салтанатты іс-шара өтті.
1 желтоқсан – Тұңғыш Президент күні. 1991 жылы дәл осы күні Нұрсұлтан Назарбаев Қазақ КСР Президенті қызметіне сайланды, екі аптадан кейін Тәуелсіз Қазақстанның басшысы болды.
Осы айтулы мереке қарсаңында мұражай қорының сақтаушысы Клара Смаилова Шәріптоғай негізгі мектебінің, Амангелді орта мектебінің және Көкжайық мектебінің оқушылары қатысқан тақырыптық іс-шара ұйымдастырды. Сондай-ақ, Көкпекті ауылындағы Балалар өнер мектебі де ұйымға көмек көрсетті.
БЕС АУДАННЫҢ БАЛУАНДАРЫ БЕЛДЕСТІ
- Article Details
Ағымдағы жылдың 28 қараша күні, Көкпекті ауылындағы Балалар мен жасөспірімдер спорт мектебінің ұйымдастыруымен еркін күрестен 2005-2006, 2007-2009 жылғы ұлдар арасындағы Тұңғыш Президент күніне арналған аудандық дәстүрлі ашық турнирі өткізілді.
Аталмыш жарысқа Глубокое, Жарма, Зайсан, Тарбағатай аудандары және Көкпекті, Самар, Үлгілімалшы, Көкжайық, Бастаушы командаларынан барлығы 123 оқушы қатысты. Жарыс жоғары деңгейде өтті. Жарыстың ашылу салтанатында спорт бөлімінің басшысы Ержан Кәрібаев сөз сөйлеп, жарысқа қатысушы спортшыларға сәттілік тіледі.
Ал жарыстың бас төрешісі, БЖСМ жаттық-тырушысы Жандос Серіков жиынды жалғастырып, жарыстың бағдарламасын, жарыс тәртібін түсіндірді.
САНАЛЫ ҰРПАҚ - «САУДАСЫЗ» БІЛІМ ИЕСІ
- Article Details
Адамзатқа ертеден белгілі сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, тамыр жайып, бүгінге дейін жойылмай отырған қауіпті кеселдің бірі. Өкінішке орай, әлемнің барлық елдері сияқты «сыбайлас жемқорлық» біздің елімізді де айналып өткен жоқ. Тұңғыш Президентіміз Нұрсұлтан Назарбаев сыбайлас жемқорлықтың ұлттық қауіпсіздігімізге үлкен қауіп төндіретіндігін нақты көрсетіп, әрбір Жолдауында сыбайлас жемқорлықтың алдын-алудағы негізгі бағыттарды айқындап отырды.
Ағымдағы жылы шілде айында Мемлекет Басшысы Қасым-Жомарт Кемелұлы Тоқаевтың Жарлығына сәйкес тәуелсіз құқық қорғау органы – Сыбайлас жемқорлыққа қарсы іс-қимыл агенттігі құрылды. Агенттік жұмысының басым бағыттары ретінде – сыбайлас жемқорлықтың алдын-алу, Қазақстан Республикасының 2015-2025 жылдарға арналған сыбайлас жемқорлыққа қарсы Стратегиясын жүзеге асыру мәселелері айқындалды. Осы орайда, Агенттік алдында тұрған ауқымды мәселелердің бірі – «жұмыла көтерген жүк жеңіл демекші» осы келеңсіз құбылыспен күресте тек мемлекеттік қызметшілердің емес, барлық қазақстандықтардың күш-жігерін біріктіру.
БАЯНДЫ АТАНЫҢ БАТАСЫН АЛДЫ
- Article Details
1 желтоқсан Тұңғыш Президент күні қарсаңында Көкпекті ауылындағы Ж.Шайжүнісов атындағы орта мектебінде «Жас қыран» бірыңғай жасөспірімдер ұйымы Республикалық қоғамдық бірлестігі қатарына салтанатты қабылдау рәсімі өтті.
«Қазақстан! Нұрсұлтан! Жас ұлан!» деп ұрандаған, жүрегінде жалыны бар белсенді оқушылар «Жас қыран» құрамына мүшелікке қабылданды. Ұйымының мақсаты – өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру болып табылады.
Сайдың тасындай іріктеліп алынған оқушылардың жанарынан білімге деген құштарлық пен болашаққа деген сенім көрінеді. Болашақта «Мәңгілік ел» тізгінін ұстайтын азаматтар, бүгінгі «Жас қыран» қатарына қабылданған оқушыларымыз екені анық. «Жас қыран» ұйымына 32 оқушы қабылданды.
«Жас ұлан» ұйымына қабылданушыларға галстуктерді табыстау рәсімін Көкпекті ауданының «Құрметті азаматы» Баянды Кәкенұлы Қожамбетов және Жастар орталығының маманы Ақбота Бақытбекқызы Асылханова, мектеп директоры Қажет Жүнісбековке, ұстаздарға және ата-аналарға берілді.
МЫҢДЫ ЖЫҚҚАН МҰҚАН АҒАНЫҢ ТӘЛІМІ
- Article Details
Қалбатауды жайлаған ел әлмисақтан мәрттігімен, ерлігімен, бір ауыз сөзге тоқтар, уәдесін бұзбас серілігімен белгілі болған. Тіпті ел мен ел жауласқан жаугершілік заманында айтқан серттен қайтпай, берген уағдаларын берік ұстанған. Қазақ-қалмақ арасындағы кантөгіс қырғын болар бір ұрыста екі жақ шеп құрысып, майданға тұрады. Әскердің дені өрімдей жастар, енді бұларды біріне-бірін қырғызса, ертең ұрпақ та қалмауы мүмкін. Тақ осы кезде, екі жақтың сардарлары келіссөз жүргізе келіп: «Кімде кімнің сарбазы, анау Қалбатаудың биігіне түйетасты бірінші болып көтеріп шықса, қантөгісті тоқтатып, бейбіт жолмен келісімге келейік» десіпті. Сондағы қазақ-қалмақтың арасынан шыққан қос палуанның ішінен Көкжал Барақ батыр түйетасты Қалбаның шыңына бірінші болып көтеріп апарыпты. Қазақ-қалмақ әскері соғысты тоқтатып, күш атасын мойындап мәмлеге келген екен.
Міне Қалбатауының қабыландары білек күшімен атам заманынынан қарсыластарын мойындатқан. Осы дәстүрді қайта тудырып, Қазақстанға әкелген әлемге әйгілі армрестлингші, гір спортының әлемдік тұлғасы – Мұхамедолла Сағидоллаұлы Ағзамов.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
