Ағымдағы жылдың 28 қараша күні, Көкпекті ауылындағы Балалар мен жасөспірімдер спорт мектебінің ұйымдастыруымен еркін күрестен 2005-2006, 2007-2009 жылғы ұлдар арасындағы Тұңғыш Президент күніне арналған аудандық дәстүрлі ашық турнирі өткізілді.

Аталмыш жарысқа Глубокое, Жарма, Зайсан, Тарбағатай аудандары және Көкпекті, Самар, Үлгілімалшы, Көкжайық, Бастаушы командаларынан барлығы 123 оқушы қатысты. Жарыс жоғары деңгейде өтті. Жарыстың ашылу салтанатында спорт бөлімінің басшысы Ержан Кәрібаев сөз сөйлеп, жарысқа қатысушы спортшыларға сәттілік тіледі.
Ал жарыстың бас төрешісі, БЖСМ жаттық-тырушысы Жандос Серіков жиынды жалғастырып, жарыстың бағдарламасын, жарыс тәртібін түсіндірді.

Жарыстың нәтижесі бойынша Көкпекті ауданының намысын Жандос Серікұлы жаттықтыратын 28 баланың 6-ы жеңімпаз атанды. Олар: Шахкерім Жаратқан 20 кг, Ерасыл Еркешов 23 кг, Бекзат Әкежанов 26 кг, Әлинұр Әшімов 29кг, Әділхан Мансұров 38 кг, Әкежан Талғатов 60 кг салмақтарында.
Қүміс жүлдегер: Әлихан Байтұров 26 кг салмағында.
Қола жүлдегерлер: Мирас Нұржанұлы 65 кг, Нұрасыл Бақытбекұлы 20 кг салмақтарында.
Жарыс соңында жеңімпаздар мен жүлдегерлер грамоталармен, медальдармен, қаражат және бағалы сыйлықтармен марапатталды. Жарыстың жоғары деңгейде өтуіне демеушілік жасаған ата-аналар: Нұрзат Әкежанов, Нұржан Тогусов, Дәулетхан Дужанов, Ділшат Нокин, Байказакова Клара Оразбаевна ұйымдастырушылар алқасы алғыстарын білдіреді.

Виктория ГАРМАШОВА 

Пікір: