Биыл Көкпекті ауданындағы білім ордаларынан 195 түлек қанат қақса, оның 151-і ұлттық бірыңғай тест тапсыруға ниет білдірген болатын. Ауданымыз бойынша жоғары оқу орындарына грантқа түскен түлектер саны 84 болса, бұл ҰБТ-ға қатысушылардың 55 пайызы өзі таңдаған мамандық бойынша тегін білім алады деген сөз. Ал жоғары оқу орнында ақылы негізде білім алу мүмкіндігіне 50 түлек ие болды.

Аудандағы мектеп түлектері оқуға түсуі бойынша білім беру бөлімінің бас маманы Гаухар Кәрібаева ақпарат берді:
- Жалпы 11 сынып түлектерінен колледждердің грантына 39 түлек құжат тапсырды, ал ақылы негізінде 19 түлек оқуға түсті. Мүмкіндігі шектеулі екі оқушы, ал бір түлек жұмысқа орналасты. 2019 жылы 9 сыныпты 332 оқушы құрады. 88 түлек колледждердің грантына оқуға түсті, ал 45 түлек ақылы негізде оқуға құжат тапсырды. Қалған 199 түлек мектептегі білімін жалғастыруды шешті.

2017-2021 жылдарға арналған «Еңбек» өнімді жұмыспен қамту және бұқаралық кәсіпкерлікті дамыту бағдарламасын жүзеге асыру аясында Көкпекті білім бөліміне 41 колледж ұсынылды.
Оның ішінде: Өскемен медициналық колледжіне - 1 түлек, Д.Қалматаев атындағы мемлекеттік медициналық колледжіне – 2, Шығыс Қазақстан гуманитарлық колледжіне – 7, М.Әуезов атындағы педагогикалық колледжі – 1, Электротехникалық колледж – 3, «Семей» медициналық колледжі – 2, Өскемен сервистік қызмет көрсету колледжі – 3, Өскемен политехникалық колледжі – 1, «Қайнар» колледжі – 4, Өскемен көпсалалы технологиялық колледжі – 4, Шығыс Қазақстан ауыл шаруашылығы колледжі – 1, "Қазтұтынуодағы агробизнес және экономика колледжі" – 5, Индустриалды-технологиялық колледжі – 1, «Бизнес және сервис колледжі» КМҚК – 1 түлек оқуға түсті.
2019 жылдың 19 тамызға дейін осы бағдарлама бойынша 36 түлек оқуға түсті, оның тоғызы 11 сынып түлектері, ал қалған 27 оқушы 9 сынып түлектері. Келешекте олар тәуелсіз еліміздің нығаюына өз үлестерін қосады деп сенеміз, – деді Гаухар Жұматайқызы.

Клара ҚАЙЫПЖАНҚЫЗЫ 

Пікір: