Біздің өңірдің өзекті мәселесі - баспана жайы. Әрине, бұл өмір заңдылығы ғой. Аудан тұрғындарын толғандырған осындай толғақты мәселе қашанда күн тәртібінде. .Апта басында аудан әкімінің міндетін атқарушы Рамиль Сағындықов жеке мәселелері бойынша азаматтарды қабылдау жүргізді. Рамиль Нығметжанұлы қабылдауға келген азаматтарды бірден еркін пікір алмасуға шақырды.

Қабылдау барысында азаматтардың жеке сауалдарына қатысты түсіндірмелер жүргізіліп, заң тұрғысында пайдалы кеңестер берілді. Аудан әкімінің қабылдауында болған бірқатар азаматтың сұрақтары мағыналас. Тұрғындарды мазалайтын негізгі сұрақ - тұрғын үй мәселесі. Бірінің үйі апаттық жағдайда тұрғандықтан пайдалануға жарамсыз болса, енді бірі баспанасының тарлығын алға тартады.

Аудан әкімінің міндетін атқарушы Рамиль Нығметжанов жер телімін бөлу, жұмыспен қамту, материалдық көмек көрсету мәселелері бойынша заң талаптарын жете түсіндіріп, үй кезегіне тұрғандарға баспана тек кезекпен ғана берілетінін, яғни баспананы беру - еліміздің тұрғын үй қатынастары туралы заңдылық аясында шешілетінін қадап айтты.

Қалай дегенде де бұл күнгі қабылдау ашық әңгіме түрінде өрбіді. Азаматтардың барлық ұсыныстарын назарға ала отырып, Рамиль Нығметжанұлы оларды шешудің жолдарын атап өтіп, тиісті сала басшыларына тапсырмалар жүктеді.

Біздің тілші

Пікір: