13 ақпан күні Көкпекті ауданы әкімінің м.а Р.Н.Сағындықовтың Көкпекті ауылдық округі тұрғындарының кезекті есеп беру жиналысы аудандық мәдениет үйінде өтті. Жиналысқа ауылдық округ әкімдері, шаруа қожалық басшылары, ардагерлер ұйымы мүшелері қатысты.

Сонымен бірге, жиынға Шығыс Қазақстан облысы әкімінің орынбасары Д.А.Гариков мырза да қатысты. Аудан әкімінің м.а Р.Сағындықов өзінің есепті баяндамасын толық аудандық газетте екі тілде жарияласа да, жиында жан-жақты ауданның өсіп-өркендеу саласына, экономикалық бағыты, халықтың әлеуметтік жағдайына, шаруашылық, өндірістік салаларға талдау жасады. Елбасының «Мәңгілік ел» және «Нұрлы жол» стратегиялық жоспарларының орындау барысы және шынайылығына тоқталды. Халық алдында дүние жүзінде басталған дағдарыс жағдайы біздің елді деайналып өтпейтіндігін , сондықтан береке бірлікті сақтай отыраөтпелі кезеңде, шыдамдылық танытып,түсіністік жағдайда болуды ескертті. Өткен жылғы, ауданның облыс алдында өсіп-өркендеу салаларын талдай келе, Көкпекті ауданы аграрлы елді аймақ болған соң, ауыл шаруашылық өнімдерін молайтып, әсіресе халықтан сүт өндіру саласы қолға алынатынын жария етті. Осы салаға әр отбасы ат салысып, сүт өнімі арқылы қаржылық мәселерді шешуге болатынын түсіндіріп өтті. Аудан әкімінің есебін тыңдап талқылауға бірнеше адамдар шығып, өз пікірлерін ортаға салды. Көпшілігі ауданда атқарылып жатқан істерге оң бағасын беріп, пікірлерін білдірді. Жиында отырғандардан сұрақтар қойылып, көпшілігінің айтқаны ауыз су мәселесін шешуге көңіл бөлу керектігін , әр түрлі мәселер төңірегінде айтылды. Халық тарапынан қойылған сұрақтардың аздығы, бұл олардың қазіргі тұрмыс –тіршіліктерінің жақсы жағдайда екендігін білдіреді. Жиын соңында аудан әкімі м.а Р.Сағындықов қойылған сұрақтарға жауап беріп,алдағы жоспарларымен бөлісті. Шығыс Қазақстан облысы әкімінің орынбасары Д.А.Гариков Көкпекті ауданының өркендеуіне оң бағасын беріп, әр сала бойынша талдау жасады. Халық жаңа әкім, жас әкім Р.Сағындықовтың алғашқы қызметіне жақсылық тілеп, ризашылықпен тарасты.

Клара Қайыпжанқызы

Пікір: