Құрметті аудан тұрғындары!
Сіздерді ұлық мереке – Қазақстан Тәуел-сіздігі күнімен шын жүректен құттықтаймыз!
Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау біздің басты мұратымыз.
Құрметті жерлестер! Осыдан 24 жыл бұрын Қазақстан Республикасы тарихи таң-дау жасап, өзінің мемлекеттік тәуелсіздігін жариялаған еді. Содан бергі өткен аз ғана уақыт аралығында Қазақстан бүкіл әлем таныған, төрткүл дүние төрінен ойып орын алған ілгері ел дәрежесіне жетті. Мемлекетіміздің қарқынды дамуы тұрақты саясат пен ішкі бірліктің арқасы. Егемен еліміздің айбыны мен мақтанышына айналған Астана тағы да халықаралық үлкен бәсекеде бас бәйгеге ие болды. Әлемнің 161 мемлекетінің арасында топ жарып «EXPO-2017» Халықаралық көрмесін өткізу құқығына ие болу үлкен мерей, зор құрмет. Бұл – біздің бүкіл халқымыздың ерен еңбегінің жемісі, бұл – біздің Тұңғыш Президентіміз Нұрсұлтан Әбішұлы Назар-баевтың сындарлы саясатының жеңісі. Күні кеше жарияланған «Қазақстан жаңа жаһандық нақты ахуалда: өсім, реформалар, даму» атты Елбасының Жолдауы біздің елімізді жаһандық дағдарыстан алып шығатын нақты бағдарлама, жоспар. Оны жүзеге асыра отырып біз жаңа белестерді бағындырып, жетістіктерге жетеміз. Еліміздің Тәуелсіздігінің 25 жылдығын амандықта қарсы алуға күш саламыз. Біз бейбіт елміз, бейбітшілік ата-бабамыздың ежелгі ұраны.
Құрметті аудан тұрғындары!
Баршаңызды Қазақстан Республикасының Тәуелсіздік күнімен шын жүректен құттық-таймыз. Сіздерге мықты денсаулық, Ота-нымыздың өсіп-өркендеуі жолындағы еңбек-теріңізге зор табыс тілейміз!
Бірлігіміз бекем, тірлігіміз тиянақты болсын!
Тәуелсіздігіміздің тұғыры биік болғай!

Р.Сағандықов, аудан әкімі
Р.Беспаев, аудандық
мәслихаттың хатшысы

Пікір: