Көптен бері аудан орталығының тұрғындары кезек күттірмейтін мәселе - ауыл көшелерінде қаңғыбас иттердің барын көтеріп келеді. Бұл өзекті мәселенің қалай шешіліп жатқанын Абай аудандық ветеринария басқармасының «Көкпекті - вет» ШЖҚ КММ білдік.

-«Ит – адамның досы» деген тұжырыммен барлығы келіседі, бірақ «достармен» кездесу жақсы нәтиже бермесе ше? Қаңғыбас және қараусыз иттер қоғамға қандай қауіп төндіреді?

-Негізінде, біздің ауданымызда жабайы иттер іс жүзінде кездеспейді. Елді мекендердің көшелерімен жүгіретін иттер - бұл бір кездері үй жануарлары болған, бақылаусыз жүретін немесе бос жерлерде, полигондарда және басқа жерлерде туылған иттер.
Қаңғыбас жануарлар дегеніміз - иелері жоқ иттер мен мысықтар.
Қараусыз жануарлар - бұл жануар иесінің немесе жа-уапты адамның бақылауынан айырылған жануарлар.
Иттерге көшеде жалғыз өмір сүру өте қиын, сондықтан олар көбінесе топтасып жүреді, бұл жағдайда жабайы иттерден адамдарға ғана емес, Үй жануарларына да қауіп төнеді:
1. Агрессия. Егер топта бір ит қорқатын болса, қорқыныш барлық иттерге беріледі. Топ иттермен кездесу соңы, қауіпті жарақаттармен аяқталуы мүмкін
2. Аурулар. Қоқыстармен тамақтану, ұсақ және ірі кеміргіштерді аулау, ең бастысы адамдарға және басқа жануарларға көптеген қауіпті ауруларды жұқтыру қауіпі бар, соның ішінде құтыру, оба, лептоспироз, бруцеллез және т. б. аса қауіпті аурулар.