Көркемөнерлі Көкжайық
Сахна шымылдығы ашылғанда көзіміз үйренген жүргізушілер де емес, əншілер мен бишілер де емес, бас қаланың іргетасын қалап жүрген құрылысшылар, сылақшылар мен әктеушілер, құрылыс бригадирімен прораб ырғақты әуеннің тербелісіндегі бимен бастады. Еңбек күйі, құрылысшы биі сахна сәнін келтіре дөңгеленіп, аса мәртебелі, жасампаз құрылысты жүргізушілерді мадақтады.
Аппақ шытырадай жібек бұлмен кіреукеленген Бәйтерек макеті орналасқан сахна көрермендерді бір сəтке Елордамызға алып келгендей болды. Байқаудың мақсаты, Астананың 20 жылдығына арналғаны сахнаның төріне ілінген суреттерден байқалып, көрнекті безендірілулермен толығып тұрды. Суреттер мен картиналарды байқау тақырыбына сәйкестіріліп, арнайы жасаған Көкжайық орта мектебінің жас мұғалімі Олжас Бекмұханбетов екен.

Ветеринария, мал дәрігерлік қызмет мал шаруашылығында маңызды орын алады. Өйткені, саланың дамуы осы қызмет түрімен тікелей байланысты. Бұл сала Елбасының тұрақты назарында, қамқорлығында. Қала мен ауылды асыраушы болып табылатын саланы мемлекет тарапынан қолдау тиісті дәрежеде жүзеге асырылып отыр.
Сондықтан да, Шұғылбай ауылдық округінде биылғы жылы ветеринарлық алдын-алу жұмыстар әдеттегіден ерте басталды. Округтің бас мал дәрігері Қайырлы Қалдыбаев бұл салады сонау 1982 жылдан үздіксіз қызмет етіп келе жатқан тәжірибелі маман. Оның жанындағы фельдшер Ербол Қалбағаев және санитарлар Ержан Қалдыбаев пен Нұржан Рақымжанов да өз жұмыстарына өте жауапты жұмысшылар. Бүгінгі күнге жеке шаруашылықтардың ірі қара және ұсақ мүйізді малдарының барлығынан қан алынып болды. Шаруа қожалықтарын сәуір айының ортасына дейін толық тексеру жоспарлануда.

Бүгін де әлем мұсылмандарының халықтық мерекесіне айналған, қуаныш пен шаттық күні болған, «Мәуліт мерекесі» сан ғасырдан бері жыл сайын тойланып келеді. Аллаға шүкір, егеменді ел болып, тәуелсіздігіміздің арқасында салт- дәстүрімізді жаңғыртып, тіліміздің мәртебесі өсіп, имандылығымыз, оған деген көзқарасымыз артып келеді. Діни мерекелер біздің Үлкенбөкен ауылымызда атаусыз қалмайды, соның бірі – Мәуліт мерекесі . Мешітте әртүрлі діни іс-шаралар өтеді. Мерекеге ұйытқы болып жүрген ауыл имамы Досқали Тойбеков. Мәулітке басқа да ауыл имамдары келіп дәстүрлі мәуліт-шәріпті оқыды.

22 наурыз - Ұлыстың ұлы күнi. Бұл күнi күн мен түн теңеледi. Табиғат та, Жер-Ана да, жан-жануар да түлейдi, жаңарады. Адамзаттың бойында қан жүгiрiп, тал-теректер бүршiк жарады. Қазақтың сайын даласын Қызыр баба аралап, адам баласына құт-береке, бақ-дәулет сыйлайды. Бүкiл Шығыс халқына ортақ бұл мейрамда араздасқандар татуласып, дүйiм халық, ел ауызбiршiлiкте болады.
20 Наурыз күні Самар ауылы «Арнайы әлеуметтік қызметтер көрсету орталығында» Ұлыстың Ұлы күні кеңінен аталып өтті, ақ жаулықты әжелер шашу шашты. Бұл, көктем мерекесінің биылғы ерекшелігі - Орталыққа арнайы сый-сияпатпен көрші Күршім ауданынан мәртебелі қонақтар келді. Жиналғандар алдында көтеріңкі көңіл күйде сөз сөйлеген Күршім ауданы мешітінің бас имамы Төлеубек қажы: