Қадірменді жерлестер!

«Мектепке жол» республикалық акциясы мектеп оқушыларының толық қатысуын қамтамасыз ету мақсатында өткізіледі. Көкпекті ауданының әрбір тұрғыны халықтың әлеуметтік осал топтарынан шыққан балаларды мектепке дайындауда атаулы көмек көрсетуде азаматтық белсенділік таныта алады, оның мектепке жолы қуанышты болуы үшін әрбір балаға шынайы қамқорлық пен назар аудара алады.
Акцияның мақсаты - аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу.

Құрметті аудан тұрғындары!

Ағымдағы жылдың 1 тамыз - 30 қыркүйек аралығында «Мектепке жол» республикалық акциясы басталғанын естеріңізге саламыз.
Маңызы зор «Мектепке жол» акциясы аясында береке бірлігі жарасқан ел екенімізді танытып, барлығымыз бірдей мұқтаж жандарға көмек қолын созсақ нұр үстіне нұр болар еді. Өзім бастап, ауданымыздың ізгі жүректі барлық азаматтарын балаларға көмек қолын созып, аталған іс-шараға бір кісідей атсалысуға шақырамын.
Акцияға өз үлесіңізді қосу арқылы бүлдіршіндердің жүзіне күлкі сыйлаңыздар. Осы акция барысында демеушілік көрсетіп көпбалалы, толық емес, аз қамтылған отбасыларға барынша қол созып, көмектесіп жатқан мейірімді жандарға алғысым шексіз.
Аудандық білім бөлімінің мәліметі бойынша республикалық «Мектепке жол» акциясы бойынша Көкпекті ауданында 265 бала көмекке мұқтаж. Атап өтсек, Үшкөмей бастауыш шағын жинақты мектебі - 3, Воздвиженка шағын жинақты мектебі - 5, Ю.Гагарин атындағы бастауыш мектебі - 9, Биғаш негізгі мектебі - 21, Романовка негізгі мектебі - 5, Шәріптоғай негізгі мектебі - 10, Куйбышев атындағы негізгі мектебі - 3, Абай атындағы мектеп-балабақша кешені - 23, І.Жансүгіров атындағы орта мектебі - 5, Амангелді атындағы орта мектебі – 3, М.Әуезов атындағы орта мектебі – 10, Көкжайық орта мектебі - 15, А.С.Пушкин атындағы орта мектебі - 15, Преображенка орта мектебі - 15, Көкпекті орта мектебі - 45, Ж.Шайжүнісов атындағы орта мектебі - 20, Үлкенбөкен орта мектебі - 45, Қ.Аухадиев атындағы орта мектебі - 13 бала.
Жаңа оқу жылының қарсаңындағы игі бастама дарынды, білімді, алғыр, дені сау ұрпақ өсуіне ұйытқы болмақ. Сіздердің қандай да кішігірім болсын көмектеріңіз, жас оқушыларға қуаныш сыйлайды. Жақсы іс жасауға асығыңыздар!
Ардақты ағайын!
Сіздерді өскелең ұрпақтың сапалы білім алуына жағдай жасап, олардың болашағына үкілі үміт сыйлау мақсатында «Мектепке жол» қайырымдылық акциясына қатысуға шақырамын!

Ділдәбек Оразбаев,
Көкпекті ауданының әкімі

Жыл сайын білім беру мекемелерінде тыңғылықты жұмыстар жүргізіледі. Осы тұста 2023 жылдың қорытындысы бойынша білім беру саласындағы атқарылған жұмыстар және 2024 жылдарға арналған жос-парлар туралы аудандық білім беру бөлімінің басшысы Аслан Танысбаевпен сұхбаттасқан едік. Толығырақ ақпаратты мақаламыздан оқи аласыздар.

Жалпы 2023 жылдың қорытындысы бойынша білім беру саласындағы қандай жұмыстар атқарылды?

- 2023 жылы ағымдағы жөндеу жұмыстары бойынша Көкпекті ауданының білім беру мекемелеріне 147,0 млн. теңге сомасында бюджет қаражаты бөлінді.
1. "Преображенка орта мектебі" КММ жалпы сомасы 12499,0 мың теңгеге шатырды ағымдағы жөндеу және ғимаратты әрлеуді ішінара жөндеу;
2. "Шәріптоғай негізгі мектебі" КММ жалпы сомасы 19684,8 мың теңгеге ғимараттың шатырын ағымдағы жөндеу;
3. "І.Жансүгіров атындағы орта мектеп" КММ жалпы сомасы 20269,3 мың теңгеге ғимараттың шатырын ішінара жөндеу;
4. "Абай атындағы мектеп балабақша кешені" КММ жалпы сомасы 24361,5 мың теңгеге қазандықты, жылу трассасын және түтін құбырын ағымдағы жөндеу;