Көкпекті аудандық соты төрағасының міндетін атқарушы Н.Жаныбекова 2019 жылдың 2 тоқсанының қорытындысы бойынша бұқаралық ақпарат құралдары өкілдеріне баспасөз конференциясын өткізді.
Баспасөз конференциясы барысында сот төрағасының м.а. Н.Жаныбекова Көкпекті аудандық сотының 2 тоқ-сандық қортындысы бойынша атқарған жұмыстарын баяндап, өткен кезеңде 9 қылмыстық іс, 86 азаматтық және 148 әкімшілік іс қаралғанын айтты.
Аталған мерзімде Көк-пекті аудандық сотымен 46 іс медиация тәртібімен қысқартылған, оның ішінде 17 азаматтық және 29 әкімшілік іс қамтылған, ол жалпы сотпен қаралған істің 18,9 % құрайды.

Бүгінгі күннің талабына сай «Сот кабинеті» ақпараттық сервисі сотта белсенді түрде қолданылуда, атап айтқанда сотқа түскен азаматтық тәртіпте қаралатын 98 арыздың барлығы дерлік аталған сервис арқылы түскен болса, ол 100% құрайды. Қазіргі кезде барлық әкімшілік істер «Сот кабинеті» арқылы келіп түсуде. Сот төрағасы барлық сот отырыстары дыбыс-бейне жазбасын қолданылуымен өтетінін мәлім етті.
Сот төрағасының м.а. Н.Жаныбекова бұқаралық ақпарат құралдарымен тұрақты негізде жұмыс жасалатынын айта келе, 2019 жылдың екінші жартыжылдық қорытындысы бойынша бұқаралық ақпарат құралдарында 22 мақала, облыстық соттың сайтында 15, аудан әкімінің сайтында 22 пресс-релиз жарияланғанын, семинар сабақтары, лекция және дөңгелек үстел сынды шаралар сотта және басқа мекемелерде үнемі өткізілетіндігі туралы тоқталды. Судьялар мен сот мамандарына қатысты бұқаралық ақпарат құралдарында ешқандай сыни мақалалар жарияланбағанын айтып өтті.

Көкпекті аудандық
сотының баспасөз қызметі

Пікір: