Көкпекті аудандық сотының төрағасы Ә.Бақытбекұлының бастауымен Көкпекті аудандық тұтынушылардың құқық-тарын қорғау басқармасы ғимаратында басшысы Г.Абдрасулованың, заңгер А.Акчабарованың, жетекші мамандар Г.Мирзасованың, Н.Рахимованың, А.Төлегенованың қатысуларымен «100 нақ-ты» қадам Ұлттық жоспарын жүзеге асыру барысындағы сот жүйесін жаңғырту мәселелерін талқылау» тақырыбында дөңгелек үстел өткізілді.
Сот төрағасы Ә.Бақыт-бекұлы дөңгелек үстелге қа-тысушыларға сотта азамат-тық іс жүргізуге енгізілген өзгерістер бойынша ақпарат берді. Атап айтқанда сот жүйесі инстанцияларының оңтайландырылуы, судья лауазымына үміткерлерге біліктілік талаптарының қатай-тылуы, судьялардың жаңа этикалық кодексінің әзірленуі, прокурорлардың қатысуымен қаралатын істер санының азайтылуы, барлық сот отырыстарын дыбыс-бейне жазбаның қолдануымен өткізілуін қамтамасыз етілуі, Қазақстан Респуликасының Жоғарғы Сотында инвестициялық даулар бойынша жаңа мамандандырылған алқаның құрылуы, сотта татуласу рәсімдерінің кеңейтілуі және жеке және заңды тұлғалар арыздарын сот кабинеті арқылы түсіруге мүмкіндіктері бар екені туралы жеке тоқталып өтті.
Дөңгелек үстелге қатысушылар дөңгелек үстел қорытындысы бойынша сотта азаматтардың іс жүргізуді ары қарай жетілдіру туралы ұсыныстарымен және пікірлерімен алмасты.
Көкпекті аудандық сотының баспасөз қызметі

Пікір: