Республикалық «Жайдарман-2023» ойынында еліміздің түкпір-түкпірінен бес команда бақ сынаса да, ең көп ұпай жинап, «Қыздар емес»  командасы жеңіске жетті. Астанадағы Бейбітшілік және келісім сарайында әзіл-оспақ байқауының финалдық кезеңі өтті.

Абай ауданының намысын «Қыздар емес» командасы қорғады. Оның құрамында Көкжайық ауылынан келген екі жас жерлесіміз Еркін мен Ермек сахнада өзінің тапқырлығымен және харизмасымен жеңімпаз қатарынан көрінді. Қазылар алқасының шешімімен жігіттер жеңімпаз атағын ғана емес, демеуші SANA HOLDING-тен 50 миллион теңгенің жүлдесін ұтып алды.
- Біз бұл жеңіске қуаныштымыз! Бұл жеңіс бәрімізге ортақ. Бізді қолдау үшін Астана қаласына келген жерлестерімізге үлкен алғыс айтамыз.
Өңіріміз әрдайым шығармашыл адамдарға бай болғандықтан, біз Абай облысының әкімі Нұрлан Тельманұлына және қазір қарқынды дамып келе жатқан облыстың барша шығармашылық саласына креативті индустриясына алғысымызды білдіргіміз келеді, - деді команда капитаны Олжас Тұрғали.
Бұл финалда көрермендер екі ел арасындағы шекара, әйелдер құқығын қорғау, феминистік көзқарастар, Астана LRT, хиджаб киюге қатысты сын - пікірлерді бағалады. Сондай-ақ, балалар Словенияға қарсы футболдан Қазақстан құрамасының матчына қатысты әзіл айтты.
«3 кезең бойынша өткен ойын өте қызықты және көңілді өтті. Зал көрермендерге лық толды. Әр команданың белсенді жанкүйерлері өздерінің сүйікті командаларына шынайы қолдау көрсеткені бірден байқалды. Шығармашылық, талантты және белсенді жас ұрпақ қоғамның дамуына және жас-тар саясаты қозғалысына серпін беретіні сөзсіз», - дейді ұйымдастырушылар.

Пікір: